Afghanistan A: ఆదివారం అల్ అమెరత్ క్రికెట్ గ్రౌండ్లో జరిగిన ఫైనల్లో శ్రీలంక A జట్టును ఏడు వికెట్ల తేడాతో ఓడించి ACC పురుషుల T20 ఎమర్జింగ్ టీమ్స్ ఆసియా కప్ 2024 ఛాంపియన్గా అఫ్గానిస్తాన్ A అవతరించింది. ఫైనల్ లో టాస్ గెలిచిన శ్రీలంక కెప్టెన్ నువానీదు ఫెర్నాండో బ్యాటింగ్ ఎంచుకున్నాడు. అయితే, ఫైనల్లో శ్రీలంక విజయానికి ఇది కలిసిరాలేదు.
శ్రీలంక తరఫున సహన్ అరాచ్చిగే (47 బంతుల్లో 64 పరుగులు, 6 సిక్సర్లు) మాత్రమే అజేయంగా నిలిచాడు. క్రీజులో నిలిచి స్కోర్బోర్డ్ను ముందుకు నడిపాడు. అరాచ్చిగే కీలక పాత్రతో శ్రీలంక 133/7కు చేయగలిగింది.
నిమేష్ విముక్తి (19 బంతుల్లో 23 పరుగులు, 1 ఫోర్, 1 సిక్స్), పవన్ రత్నాయక్ (21 బంతుల్లో 20 పరుగులు, 1 సిక్స్) కూడా శ్రీలంక ఇన్నింగ్స్ ముందుకు కదిలేలా చేశారు.
శ్రీలంకను 133/7 కే పరిమితం చేయడంలో అఫ్గానిస్తాన్ మొదటి నుంచి గేమ్పై ఆధిపత్యం చెలాయించింది. బిలాల్ సమీ బౌలింగ్ అటాక్ లో కీలక పాత్ర పోషించాడు. తన నాలుగు ఓవర్ల స్పెల్ లో మూడు వికెట్లు తీసుకున్నాడు. కేవలం 22 పరుగులు మాత్రమే ఇచ్చాడు. అల్లా గజన్ఫర్ కూడా రెండు వికెట్లు తీశాడు.
134 పరుగుల ఛేజింగ్ లో భాగంగా జుబైద్ అక్బరీ (1 బంతికి 0 పరుగులు) నిరాశ పరిచినా.. సెడిఖుల్లా అటల్ (55 బంతుల్లో 55 పరుగులు, 3 ఫోర్లు, 1 సిక్స్) అఫ్గాన్ కు అండగా నిలిచాడు. రెండో ఇన్నింగ్స్ తొలి బంతికే శ్రీలంక ఆటగాడు సహన్ అరాచ్చిగే అక్బరీని ఔట్ చేసి అఫ్గానిస్థాన్పై ఒత్తిడి పెంచాడు.
అయితే, అటల్, డార్విష్ రసూలీ (20 బంతుల్లో 24 పరుగులు, 2 ఫోర్లు, 1 సిక్స్) కీలక భాగస్వామ్యాన్ని నెలకొల్పడంతో అఫ్గానిస్తాన్ మంచి కమ్ బ్యాక్ ఇచ్చింది.
కరీం జనత్ (27 బంతుల్లో 33 పరుగులు, 3 సిక్స్లు), మహ్మద్ ఇషాక్ (6 బంతుల్లో 16 పరుగులు, 1 ఫోర్, 1 సిక్స్) కూడా అద్భుత ప్రదర్శన కనబరిచి ఫైనల్లో ఆఫ్ఘనిస్తాన్ను గెలిపించడంలో కీలక భూమిక పోషించారు. మహ్మద్ ఇషాక్, సెడిఖుల్లా అటల్ క్రీజులో నిలిచి ఫైనల్లో ఏడు వికెట్ల తేడాతో విజయం సాధించేలా రాణించారు.
ఇచ్చిన లక్ష్యాన్ని కాపాడుకోవడంలో విఫలమైన శ్రీలంక బౌలింగ్ అటాక్.. పేలవ ప్రదర్శనను కనబరిచింది. శ్రీలంక తరఫున ఎషాన్ మలింగ, దుషన్ హేమంత, సహన్ అరాచ్చిగే మాత్రమే వికెట్లు తీసుకోగలిగారు.
ఇవీ చదవండి: Dhoni Rohit Sharma: హిట్ మ్యాన్పై మహీ పొగడ్తలు.. ఏమన్నాడంటే
IND vs NZ: 12 ఏళ్ల తర్వాత సొంత గడ్డపై ఓటమి.. రెండో టెస్టు విశేషాలు
IND vs NZ: టీమిండియా మరోసారి వైఫల్యం.. తిరుగులేని ఆధిక్యంలో కివీస్
Dhoni: ధోని అభిమానులకు గుడ్ న్యూస్.. సీఎస్కే సర్ప్రైజ్!