Haryana Congress: హర్యానాలో కాంగ్రెస్ పార్టీకి షాక్ తగిలింది. వరుసగా మూడోసారి అక్కడ బీజేపీ జెండా పాతింది. ఉదయం 9 గంటల ప్రాంతంలో హర్యానా ఎన్నికల ఓట్ల లెక్కింపు ప్రారంభమైంది. మొదటి గంటలో బీజేపీ కంటే కాంగ్రెస్ (Haryana Congress) చాలా ముందుంది. ఢిల్లీలోని కాంగ్రెస్ ప్రధాన కార్యాలయంలో సంబరాలు కూడా మొదలయ్యాయి. కానీ ఇంతలోనే ఈ సందడంతా బీజేపీ కార్యాలయానికి ట్రాన్స్ ఫర్ అయ్యింది.
ఒక గంట తర్వాత లెక్కలు మారిపోయాయి. బిజెపి తిరిగి ఆటలోకి వచ్చింది. మరో రెండు గంటల తర్వాత, ఎగ్జిట్ పోల్ అంచనాలను భారీ తేడాతో తలకిందులు చేస్తూ హర్యానాలో బీజేపీ పటిష్టంగా ముందంజలోకి వెళ్లింది. ఇప్పుడు లడ్డూలు, జిలేబీలు సెలబ్రేషన్స్ తో బీజేపీ ప్రధాన కార్యాలయం దద్దరిల్లింది. మొదట్లో చూసిన లెక్కలే మళ్లీ వస్తాయని కాంగ్రెస్ నాయకులు ఆశించారు. అనేక రౌండ్ల లెక్కింపు ఇంకా మిగిలి ఉందని, రిజల్ట్ తమవైపు వస్తుందని అనుకున్నారు. కానీ అది జరగలేదు.
కాంగ్రెస్ తిరోగమనానికి కారణమైన ఐదు అంశాలు..
1. కాంగ్రెస్ అంతర్గత పోరు
2019 ఎన్నికల్లో హర్యానాలో కాంగ్రెస్ 31 సీట్లు గెలుచుకుంది. ప్రస్తుత సంఖ్యలు అలాగే ఉంటే, తిరిగి రావడానికి వీలుగా పార్టీ తన పనితీరును గణనీయంగా మెరుగుపరుచుకోలేకపోయింది.
పార్టీలోని అంతర్గత పోరు, అగ్రనేతలు అధికారం కోసం తహతహలాడడం దెబ్బకొట్టిందన్న విశ్లేషణలు వస్తున్నాయి. ఎన్నికలకు చాలా ముందు నుంచే కాంగ్రెస్ నేతలు విజయం తథ్యమని భావించి ముఖ్యమంత్రి పదవి కోసం కసరత్తు ప్రారంభించారు. కాంగ్రెస్ అనుభవజ్ఞుడు భూపిందర్ సింగ్ హుడా, సీనియర్ నాయకురాలు కుమారి సెల్జా మధ్య ఆధిపత్య పోరు బాహాటంగానే కనిపించింది. తెరవెనుక చాలా నష్టం జరిగిందని చెబుతున్నారు. ఎన్నికలకు ముందు ఐక్య ఫ్రంట్ను రూపొందించడానికి కాంగ్రెస్ కష్టపడుతుండగా, ప్రధాన ప్రతిపక్షం చీలిపోవడానికే అన్నట్లు కనిపించింది. అభ్యర్థులు, పొత్తులను నిర్ణయించడంలో హుడాకు పూర్తి స్వేచ్ఛ ఇచ్చినా అది పనిచేయలేదని ఫలితాలు నిరూపించాయి.
2. ప్రాంతీయ శక్తులు, ఇండిపెండెంట్ల దెబ్బ
ఓట్ల షేర్లో కాంగ్రెస్.. బీజేపీ కంటే స్వల్పంగా ముందంజలో ఉన్నప్పటికీ, దాన్ని సీట్లకు మార్చడంలో విజయవంతం కాలేకపోయింది. అనేక స్థానాల్లో, ఆధిక్యం చాలా తక్కువగా ఉంది. ఇది హర్యానాలో అధికార వ్యతిరేక ఓట్లను ప్రాంతీయ పార్టీలు మరియు ఇండిపెండెంట్లు ఆక్రమించారు. ఇది బిజెపికి ప్రయోజనం చేకూర్చింది. అయితే ఈ ఎన్నికల్లో ప్రాంతీయ పార్టీలు విజయం సాధించలేకపోయాయి. ప్రస్తుతం ఐఎన్ఎల్డీ, బీఎస్పీ ఒక్కో స్థానంలో ఆధిక్యంలో ఉండగా, నలుగురు స్వతంత్రులు ఆధిక్యంలో ఉన్నారు.
3. జాట్ వ్యతిరేక ఏకీకరణ
హుడా నేతృత్వంలోని కాంగ్రెస్ జాట్ ఓట్లపై దృష్టి సారించగా, బీజేపీకి అనుకూలంగా జాట్-యేతర ఓట్ల కౌంటర్ కన్సాలిడేషన్ స్పష్టంగా కనిపించింది. ఎన్నికలకు ముందు రాష్ట్రంలో జాట్ల ఆధిపత్యం అంశం బాగా ప్రచారం జరిగింది. కాంగ్రెస్ విజయం రాష్ట్రంలో ప్రభావవంతమైన సామాజికవర్గం పునరాగమనాన్ని సంకేతంగా సూచించింది. ఇతర సంఘాలు అధికార పార్టీకి అనుకూలంగా ఓటు వేసినట్లు తెలుస్తోంది.
4. బీజేపీ బ్యాక్రూమ్ వర్క్
ఎన్నికల విశ్లేషకులు హర్యానాలో బీజేపీని తప్పుపట్టినప్పటికీ, గ్రౌండ్ లెవల్ లో మౌనంగా పని చేయడం అధికార పార్టీకి అనుకూలంగా మారింది. కేంద్ర మంత్రి, బిజెపి నాయకుడు ధర్మేంద్ర ప్రధాన్కు పార్టీ ప్రచార బాధ్యతలు అప్పగించారు. తనదైన శైలిలో ఆయన ప్రచారంలో దూసుకెళ్లారు. బీజేపీ ఎన్నికల యంత్రాంగం మళ్లీ కాంగ్రెస్ నుంచి విజయాన్ని లాగేసుకుంది. ప్రజా మద్దతును ఎందుకు ఓట్లుగా మార్చుకోలేకపోయామో పార్టీ కచ్చితంగా ఆత్మపరిశీలన చేసుకోవాల్సిన అవసరం ఉందని కాంగ్రెస్ అధికార ప్రతినిధి అజోయ్ కుమార్ వ్యాఖ్యానించారు.
5. అర్బన్ లో బీజేపీ ఆధిపత్యం
గత దశాబ్దంలో బీజేపీ హర్యానాలోని గుర్గావ్, ఫరీదాబాద్ వంటి పట్టణ ప్రాంతాలలో బాగా పుంజుకుంది. తన ఓటర్లను పెంచుకుంది. గ్రామీణ ప్రాంతాల్లో కాంగ్రెస్ క్లీన్ స్వీప్ చేస్తుందని భావించినా అది అనుకున్నంతగా జరగలేదు. గుర్గావ్, ఫరీదాబాద్, బల్లభ్గఢ్లలో బీజేపీ ఆధిక్యంలో ఉంది.
ఇవీ చదవండి: Haryana J&K Results: హర్యానాలో బీజేపీ సత్తా.. జమ్మూ కశ్మీర్లో కాంగ్రెస్ హవా!
Instagram: ఇండియాలో ఇన్స్టాగ్రామ్ డౌన్.. కారణం ఏంటంటే..
Gymnast Dipa: జిమ్నాస్ట్ దీపా కర్మాకర్ సంచలన నిర్ణయం..
Rajinikanth: రజనీకాంత్ పై డైరెక్టర్ సంచలన ఆరోపణలు.. కథ మార్చేశారా?
CM Revanth Reddy: రూ.11,713.49 కోట్లు సత్వరమే విడుదల చేయాలి