With Love: దర్శకుడిగా తొలి సినిమాతోనే సూపర్ హిట్ అందుకుని గుర్తింపు పొందిన యువ దర్శకుడు Abhishan Jeevinth ఇప్పుడు హీరోగానూ ప్రేక్షకులను మెప్పిస్తున్నారు. ఆయన దర్శకత్వంలో వచ్చిన టూరిస్ట్ ఫ్యామిలీ విజయంతో ఇండస్ట్రీ దృష్టిని ఆకర్షించిన అభిషన్, తాజాగా హీరోగా నటించిన చిత్రం With Love మంచి విజయాన్ని అందుకుంది.
With Love చిత్రానికి Madan దర్శకత్వం వహించగా, మలయాళ నటి Anaswara Rajan కథానాయికగా నటించింది. రొమాంటిక్ కామెడీ డ్రామాగా తెరకెక్కిన ఈ సినిమా ఫిబ్రవరిలో థియేటర్లలో విడుదలై యూత్, ఫ్యామిలీ ఆడియన్స్ నుంచి మంచి స్పందన అందుకుంది. ముఖ్యంగా అభిషన్-అనస్వర మధ్య కనిపించిన సహజమైన కెమిస్ట్రీ ప్రేక్షకులను ఆకట్టుకుంది.
ఇప్పుడీ చిత్రం ఓటీటీ ప్రేక్షకులను అలరించేందుకు సిద్ధమైంది. ప్రముఖ స్ట్రీమింగ్ దిగ్గజం Netflix ఈ మూవీ డిజిటల్ హక్కులను సొంతం చేసుకుని ఈ నెల 6 నుంచి స్ట్రీమింగ్ చేయనున్నట్లు అధికారికంగా ప్రకటించింది. ఈ చిత్రాన్ని ప్రముఖ దర్శకుడు Soundarya Rajinikanth నిర్మించడం విశేషం.
కథ ఏమిటంటే…
సత్య (అభిషన్) అనే యువ వాస్తుశిల్పి జీవితాన్ని కేంద్రంగా చేసుకుని కథ సాగుతుంది. కుటుంబ సభ్యులు పెళ్లి కోసం వరుసగా సంబంధాలు చూపించినా అతడికి ఎవరూ నచ్చరు. చివరకు మోనీషా (అనస్వర రాజన్)ను కలవడంతో కథ మలుపు తిరుగుతుంది. ఒకే స్కూల్లో చదివిన పాత పరిచయం బయటపడడంతో ఇద్దరి మధ్య అనుబంధం పెరుగుతుంది. గత జ్ఞాపకాలు, భావోద్వేగాలు, ప్రేమ మధ్య జరిగే సంఘటనలతో కథ ముందుకు సాగుతుంది. చివరకు వారి సంబంధం ఏ దిశగా వెళ్లింది అన్నదే సినిమా ప్రధాన అంశం.
సంగీతం, సరదా సంభాషణలు, భావోద్వేగ సన్నివేశాలు కలిసి With Love చిత్రాన్ని ఫీల్-గుడ్ రొమాంటిక్ ఎంటర్టైనర్గా నిలిపాయి. థియేటర్లలో మంచి స్పందన పొందిన ఈ మూవీ ఓటీటీలో మరింత పెద్ద ప్రేక్షకాదరణ పొందే అవకాశముందని సినీ వర్గాలు భావిస్తున్నాయి.
ఇవీ చదవండి: OTT Thriller: సస్పెన్స్ థ్రిల్లర్గా ‘రోస్లిన్’ వెబ్ సిరీస్… మీనా – వినీత్ నటన హైలైట్!
OTT Movie : తల్లీ–కూతుళ్ల కథతో భయపెడుతున్న హారర్ థ్రిల్లర్.. ఓటీటీలో ట్రెండింగ్లో దూసుకుపోతున్న ‘మా’
OTT Movie : ఓటీటీలోకి ఎమోషనల్ డ్రామా.. ఇంట్రస్టింగ్ సీన్లతో కట్టిపడేసే మూవీ
