IPL 2025 Retention: అంతర్జాతీయ టీ20లు, క్రికెట్ కెరీర్ కు టీమిండియా మాజీ వికెట్ కీపర్ దినేష్ కార్తీక్ రిటైర్మెంట్ ప్రకటించిన సంగతి తెలిసిందే. ఈ నేపథ్యంలో రాయల్ ఛాలెంజర్స్ బెంగళూరు (RCB)కి వికెట్ కీపర్ బ్యాటర్ అవసరం ఇప్పుడు చాలా ఉంది. కేఎల్ రాహుల్ను (KL Rahul) లక్నో సూపర్ జెయింట్స్ (LSG) విడుదల చేయడానికి సిద్ధంగా ఉందన్న వార్తలు జోరుగా వస్తున్నాయి.
ఈ క్రమంలో కేఎల్ తన ఐపీఎల్ కెరీర్ను ప్రారంభించిన ఫ్రాంచైజీ అయిన ఆర్సీబీకి తిరిగి రావడానికి మార్గం సుగమమైందన్న ఊహాగానాలు బలపడుతున్నాయి. లోకల్ బాయ్ కావడంతో, రాహుల్ నిస్సందేహంగా రాయల్ ఛాలెంజర్స్కు స్టంప్ల వెనుక స్థానం కోసం మంచి ఎంపికగా భావిస్తున్నారు. ఏదేమైనప్పటికీ, వేలం డైనమిక్స్ ఏ ఫ్రాంచైజీ అయినా బయటకు వెళ్లి తనకు నచ్చిన ఆటగాడిని పొందడానికీ వీలుంది. అయినప్పటికీ, ఐపీఎల్ రిటెన్షన్ ప్రకటనలకు ముందు ఆర్సీబీకి ఇది ఇండికేషన్ ను సూచిస్తోంది.
బెంగళూరు ఫ్రాంచైజీ భాగస్వామ్యం చేసిన వీడియోలో, జట్టు బాస్లు నిలుపుదల, వేలం డైనమిక్స్ గురించి చర్చించినప్పుడు రాహుల్ మాత్రమే ఆర్సీబీ యేతర ఆటగాడుగా పేర్కొన్నారు. వీడియోలో రాహుల్ ఉండటం సోషల్ మీడియాలో అభిమానులను సందడి చేసింది.
ఆర్సీబీ నిలబెట్టుకునే అవకాశం ఉన్న ఆటగాళ్లలో, విరాట్ కోహ్లీ, రజత్ పాటిదార్ మరియు మహ్మద్ సిరాజ్ పేర్లు కనిపిస్తున్నాయి. ఫ్రాంచైజీకి కెప్టెన్ ఫాఫ్ డు ప్లెసిస్, విల్ జాక్స్, గ్లెన్ మాక్స్వెల్ వంటి విదేశీ ఆటగాళ్ల సెలక్షన్ కూడా ఉంది. వేలంలో రైట్ టు మ్యాచ్ ద్వారా ఈ ఆటగాళ్లలో కొందరిని నిలబెట్టుకోకుంటే బెంగళూరు జట్టు దక్కించుకునే చాన్స్ ఉంది.
IPL 2025 వేలానికి ముందు ఆర్సీబీ రిటెన్షన్ చాన్స్ ఉన్న ప్లేయర్లు వీరే..
– విరాట్ కోహ్లీ: బ్యాట్స్మెన్ (INR 18 కోట్లు)
– మహ్మద్ సిరాజ్: బౌలర్ (INR 14 కోట్లు)
– విల్ జాక్స్: ఆల్ రౌండర్ (INR 14 కోట్లు)
– యష్ దయాల్: బౌలర్ (అన్ క్యాప్డ్, INR 4 కోట్లు)
ఒకవేళ డు ప్లెసిస్ని నిలబెట్టుకోకపోతే లేదా వేలంలో తిరిగి కొనుగోలు చేయకపోతే కెప్టెన్సీ కూడా RCBకి పెద్ద సమస్యగా మారుతుంది. అయితే, ఫ్రాంచైజీ వేలంలో కేఎల్ రాహుల్ని కొనుగోలు చేయగలిగితే, అతను నమ్మకమైన వికెట్-కీపర్ బ్యాటర్ సమస్యను పరిష్కరించడమే కాకుండా కెప్టెన్ ఎంపికకూ సరైనవాడని చెబుతున్నారు.
అయితే, విరాట్ కోహ్లి మళ్లీ ఫ్రాంచైజీ కెప్టెన్సీని చేపట్టేందుకు ఆసక్తి కనబరుస్తాడనే సూచనలు కూడా ఉన్నాయి. ఇది RCB పరిగణించవలసిన మరో కోణం.
ఇవీ చదవండి: IPL 2025: ఐపీఎల్ వేలం.. ఈ ఆటగాళ్ల గిరాకీ పెరిగిందా?
IPL: టీమిండియా క్రికెటర్లకు మరో గుడ్ న్యూస్..
IPL Final 2023: తిరుగులేని మహేంద్రుడు.. ఐదో టైటిల్ విశేషాలు ఇవే..
IPL 2023: తిలక్ వర్మ మరో ఛాన్స్ కొట్టేశాడు.. చేతులు కలిపిన రిలయన్స్!
Dhoni: ధోని అభిమానులకు గుడ్ న్యూస్.. సీఎస్కే సర్ప్రైజ్!