Hyderabad Crime: హైదరాబాద్‌లోని చాంద్రాయణగుట్ట ప్రాంతంలో అనుమానం ప్రాణం తీసిన ఘటన చోటుచేసుకుంది. తన భార్యతో స్నేహంగా మాట్లాడాడనే కారణంతో ఓ యువకుడు తన స్నేహితుడిపై దాడి చేయగా.. తీవ్రంగా గాయపడిన బాధితుడు ఆస్పత్రిలో చికిత్స పొందుతూ మృతి చెందాడు. ఈ ఘటనపై పోలీసులు మర్డర్ కేసు నమోదు చేసి నిందితులను అరెస్ట్ చేశారు.
1. చాంద్రాయణగుట్టలో దారుణ ఘటన
హైదరాబాద్ చాంద్రాయణగుట్ట పోలీస్ స్టేషన్ పరిధిలోని పూల్‌బాగ్ సమీపంలో ఈ ఘటన జరిగింది. ప్లంబర్‌గా పనిచేస్తున్న సల్మాన్ (23) అనే యువకుడిపై అతని పరిచయస్తుడు అబ్దుల్లా మరియు అతని స్నేహితులు దాడి చేశారు.
2. భార్యతో మాట్లాడాడనే అనుమానం
సల్మాన్ తన భార్యతో మాట్లాడుతున్నాడని అనుమానించిన అబ్దుల్లా అతనిపై కక్ష పెంచుకున్నాడు. ఈ కారణంగా అతడిని లక్ష్యంగా చేసుకుని దాడి చేయడానికి ముందే స్కెచ్ వేసినట్లు పోలీసులు తెలిపారు.
3. రాత్రి సమయంలో దాడి
ఈ నెల 23న తెల్లవారుజామున సుమారు 3.30 గంటల సమయంలో అమృభాయ్ లక్డీటాలీ ప్రాంతంలో అబ్దుల్లా, అమాన్, మతీన్, సర్వర్ కలిసి ఉన్నారు. ఆ సమయంలో అక్కడికి వచ్చిన సల్మాన్, అతని స్నేహితుడు ఇర్ఫాన్‌ను అబ్దుల్లా ఆపి గొడవకు దిగాడు.
4. పదునైన ఆయుధంతో దాడి
గొడవ తీవ్రంగా మారడంతో అబ్దుల్లా మరియు అతని స్నేహితులు పదునైన ఆయుధంతో సల్మాన్‌పై దాడి చేశారు. తీవ్ర గాయాలపాలైన అతడిని పోలీసులు వెంటనే ఉస్మానియా ఆస్పత్రికి తరలించారు. అయితే చికిత్స పొందుతూ సల్మాన్ మృతి చెందాడు.
5. నిందితుల అరెస్ట్.. మర్డర్ కేసు నమోదు
ఈ ఘటనపై చాంద్రాయణగుట్ట పోలీసులు అబ్దుల్లాతో పాటు అతనికి సహకరించిన అమాన్, మతీన్, సర్వర్‌లను అరెస్ట్ చేశారు. కేసు నమోదు చేసి ఘటనపై దర్యాప్తు కొనసాగిస్తున్నట్లు పోలీసులు తెలిపారు.
ఇవీ చదవండి: Anantapur Crime: అనంతపురంలో దారుణం.. 7 ఏళ్ల బాలుడిని కిడ్నాప్ చేసి హత్య చేసిన బావ
AP Crime News: జాకెట్ కోసం రక్తపాతం – రెండు కుటుంబాల మధ్య ఘర్షణ, ఇద్దరికి తీవ్ర గాయాలు
Hardeep Singh Puri: దేశవ్యాప్తంగా లాక్‌డౌన్ వస్తుందా..? వదంతులపై కేంద్రం క్లారిటీ
Vikarabad Crime : ఇన్‌స్టాగ్రామ్ ప్రేమ… చివరకు కన్నవాళ్ల ప్రాణాలు తీసిన కూతురు.. వికారాబాద్ జిల్లాలో కలకలం
