Dharmendra Pradhan Resignation: దేశవ్యాప్తంగా తీవ్ర దుమారం రేపుతున్న NEET-UG పేపర్ లీక్ వ్యవహారం నేపథ్యంలో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేశారు. ప్రధాన్ కేంద్ర కేబినెట్ నుంచి వైదొలిగారు. NEET-UG పరీక్షలో పేపర్ లీక్, ఇతర అవకతవకలు జరిగాయన్న ఆరోపణలతో గత కొద్దిరోజులుగా విద్యార్థుల ఆందోళనలు తీవ్రరూపం దాల్చాయి. కేంద్ర విద్యాశాఖ మంత్రి ధర్మేంద్ర ప్రధాన్ పదవి నుంచి తప్పుకోవాలన్న డిమాండ్ ప్రధానంగా తెరపైకి వచ్చింది. ఢిల్లీలోనే కాకుండా పలు ప్రాంతాల్లో విద్యార్థులు నిరసనలు చేపట్టారు. విపక్షాలు కూడా ఇదే అంశంపై కేంద్ర ప్రభుత్వాన్ని నిలదీస్తున్నాయి. ధర్మేంద్ర ప్రధాన్ రాజీనామా చేసే వరకు పార్లమెంట్లో నీట్ పేపర్ లీక్ అంశంపై చర్చకు ముందుకు వెళ్లబోమని లోక్సభ ప్రతిపక్ష నేత రాహుల్ గాంధీ శుక్రవారం ప్రకటించారు.
రాజీనామాపైనే ప్రధానంగా చర్చ
జూలై 25న కేంద్ర ప్రభుత్వం, ఆందోళనకారుల ప్రతినిధుల మధ్య మూడో విడత చర్చలు జరగనున్న నేపథ్యంలో ధర్మేంద్ర ప్రధాన్ రాజీనామా అంశమే ప్రధాన అజెండాగా మారింది. ప్రధాన్ రాజీనామాపై కేంద్రం స్పష్టమైన నిర్ణయం వెల్లడించకపోతే కఠిన వైఖరి తీసుకుంటామని ఆందోళనకారుల ప్రతినిధులు పేర్కొన్నారు.
వైరల్ రాజీనామా లేఖపై గతంలో ఫేక్ ప్రచారం
ఇటీవల ధర్మేంద్ర ప్రధాన్ పేరుతో ఓ రాజీనామా లేఖ సోషల్ మీడియాలో వైరల్ కాగా, అది నకిలీదని ఫ్యాక్ట్ చెక్లో తేలింది. సంతకం, ఫార్మాటింగ్ సహా పలు అంశాల్లో అసలు అధికారిక లేఖలతో వైరల్ లేఖకు తేడాలు ఉన్నట్లు గుర్తించారు.
కేంద్రం అధికారిక ప్రకటనపై ఉత్కంఠ
నీట్ పేపర్ లీక్ వ్యవహారం విద్యార్థుల నుంచి పార్లమెంట్ వరకు తీవ్ర చర్చకు దారితీసిన సమయంలో ధర్మేంద్ర ప్రధాన్ రాజీనామా వార్త రాజకీయంగా అత్యంత కీలక పరిణామంగా మారింది. తదుపరి కేంద్ర విద్యాశాఖ బాధ్యతలు ఎవరికి అప్పగిస్తారు? అనే అంశాలపై కేంద్రం నుంచి అధికారిక ప్రకటన కోసం వేచి చూడాల్సి ఉంది.
ఇవీ చదవండి: Cockroach Janta Party: “కాక్రోచ్ జనతా పార్టీ”.. నిరుద్యోగ యువకుడి వినూత్న రాజకీయ ప్రయోగం దేశవ్యాప్తంగా వైరల్
Delhi Chalo Parliament Protest: ఢిల్లీలో ‘ఛలో పార్లమెంట్’ ఉద్రిక్తత.. కాక్రోచ్ జనతా పార్టీ ర్యాలీని అడ్డుకున్న పోలీసులు