Chiyaan Vikram: జాతీయ అవార్డు గ్రహీత, తమిళ స్టార్ హీరో చియాన్ విక్రమ్ తన నటనతోనే కాదు, సహనటుల పట్ల చూపే గౌరవంతో కూడా ప్రత్యేక గుర్తింపు పొందారు. గతంలో ఓ ఇంటర్వ్యూలో పాల్గొన్న విక్రమ్.. తన సినీ ప్రయాణం, ప్రముఖ హీరోయిన్లతో పనిచేసిన అనుభవాలు, దర్శకుడు మణిరత్నంతో చేసిన ‘రావణ్’ సినిమా గురించి ఆసక్తికర విషయాలు పంచుకున్నారు. ముఖ్యంగా దివంగత నటి సౌందర్య గురించి ఆయన చేసిన వ్యాఖ్యలు ఇప్పుడు మరోసారి సోషల్ మీడియాలో వైరల్ అవుతున్నాయి.
‘సౌందర్యే నాకు అత్యంత అందమైన హీరోయిన్’
ఇంటర్వ్యూలో విక్రమ్ను.. “మీరు నటించిన హీరోయిన్లలో అత్యంత అందమైన ఐదుగురిని ర్యాంక్ చేయాలంటే ఎవరిని ఎంపిక చేస్తారు?” అని ప్రశ్నించగా, ఎలాంటి సందేహం లేకుండా సౌందర్య పేరును మొదటి స్థానంలో ఉంచారు. విక్రమ్ మాట్లాడుతూ..”నేను నటించిన వారిలో సౌందర్యే అత్యంత అందమైన హీరోయిన్. ఆమెను నేను ఎప్పుడూ అలాగే భావించాను.”అని అన్నారు.
‘ఆమెను చూస్తే పెళ్లి చేసుకోవాలనిపించేది’
సౌందర్య వ్యక్తిత్వం గురించి విక్రమ్ ఎంతో భావోద్వేగంగా మాట్లాడారు. ఆమె…ఎంతో అందంగా ఉండేదని, చాలా అమాయక స్వభావం కలిగిన వ్యక్తి అని, అందరితో స్నేహపూర్వకంగా మెలిగేదని, స్టార్ హీరోయిన్ అయినప్పటికీ ఎలాంటి అహంకారం ఉండేది కాదని గుర్తు చేసుకున్నారు. ఆమెను సరదాగా “చూస్తే పెళ్లి చేసుకోవాలనిపించే అమ్మాయి” అని కూడా వ్యాఖ్యానించారు. అంతేకాదు… “ఆమె ఒక దేవత లాంటిది. చాలా మంచి మనిషి. ఆమె మరణం సినీ పరిశ్రమకు తీరని లోటు.”అని అన్నారు.
టాప్-5లో ఎవరు ఎవరు?
విక్రమ్ చెప్పిన ప్రకారం…
1. సౌందర్య
అందం, అమాయకత్వం, మంచి మనసు కారణంగా మొదటి స్థానం.
2. శ్రియా శరణ్
ప్రస్తుతం కూడా అదే గ్లామర్ను కొనసాగిస్తున్న హీరోయిన్గా ప్రశంసించారు.
3. జ్యోతిక
ఆమెలోని చిలిపితనం, ఎనర్జీ, ఎక్స్ప్రెషన్స్ తనకు చాలా ఇష్టమని చెప్పారు.
4. త్రిష
ఎన్ని సంవత్సరాలు గడిచినా త్రిషలోని యూత్ఫుల్ ఛార్మ్, సహజమైన అందం ఏమాత్రం తగ్గలేదని విక్రమ్ అభిప్రాయపడ్డారు.
5. రీమా సేన్
రీమా సేన్లో కాన్ఫిడెన్స్, బోల్డ్ పర్సనాలిటీ, స్క్రీన్ ప్రెజెన్స్ తనను ఆకట్టుకున్నాయని తెలిపారు.
‘రావణ్’ సినిమా ఓ ప్రత్యేక అనుభవం
దర్శకుడు మణిరత్నం తెరకెక్కించిన ‘రావణ్’ (హిందీ), ‘రావణన్’ (తమిళం) సినిమాల గురించి కూడా విక్రమ్ ఆసక్తికర విషయాలు చెప్పారు.
ఆయన ప్రకారం…
తమిళ వెర్షన్లో తాను హీరో పాత్ర పోషించారు.
హిందీ వెర్షన్లో నెగటివ్ షేడ్స్ ఉన్న పాత్ర చేశారు.
అదే సమయంలో హిందీలో హీరో పాత్రను అభిషేక్ బచ్చన్ పోషించారు.
ఒకే కథలో రెండు భిన్నమైన పాత్రలు చేయడం తన నటనా జీవితంలో అరుదైన అనుభవమని విక్రమ్ పేర్కొన్నారు.
హిందీ సినిమాలపై స్పందన
హిందీ సినిమాలు చేయడానికి తనకు ప్రత్యేకమైన ప్రణాళిక లేదని, భాష కంటే పాత్ర బలంగా ఉంటే ఏ సినిమా అయినా చేయడానికి సిద్ధమే అని విక్రమ్ స్పష్టం చేశారు.తనకు నటుడిగా సవాళ్లు విసిరే పాత్రలే ఎక్కువ ఆసక్తి కలిగిస్తాయని చెప్పారు.
విక్రమ్ కెరీర్లో మరో మైలురాయి
విక్రమ్ తన కెరీర్లో ఎన్నో విభిన్న పాత్రలు పోషించారు. ఒక సినిమాలో 12 విభిన్న గెటప్లలో కనిపించి తన నటనతో మరోసారి ప్రేక్షకులను ఆశ్చర్యపరిచారు. పాత్ర కోసం శారీరకంగా, మానసికంగా పూర్తిగా మారిపోవడంలో ఆయనకు ప్రత్యేక గుర్తింపు ఉంది.
చియాన్ విక్రమ్ చేసిన ఈ వ్యాఖ్యలు ఆయన సహనటుల పట్ల ఉన్న గౌరవాన్ని మరోసారి చాటాయి. ముఖ్యంగా సౌందర్య గురించి ఆయన చెప్పిన మాటలు అభిమానులను భావోద్వేగానికి గురి చేస్తున్నాయి. స్టార్డమ్ ఉన్నప్పటికీ ఎంతో సాధారణంగా మెలిగిన వ్యక్తిగా సౌందర్యను గుర్తు చేసుకోవడం, ఆమెను “దేవత”తో పోల్చడం సినీ పరిశ్రమలో ఆమెకు ఉన్న ప్రత్యేక స్థానాన్ని మరోసారి గుర్తు చేస్తోంది. అలాగే శ్రియా, జ్యోతిక, త్రిష, రీమా సేన్ల గురించి చేసిన ప్రశంసలు కూడా ప్రస్తుతం సోషల్ మీడియాలో వైరల్ అవుతున్నాయి.
ఇవీ చదవండి: NTRxTrivikram: శివుని కుమారుడు, పార్వతి గర్వం, శాశ్వత సేనాధిపతి – గాడ్ ఆఫ్ వార్లో ఎన్టీఆర్!
Chiyaan Vikram: చియాన్ విక్రమ్ యంగ్ లుక్ వెనక సర్జరీలేనా? కోలీవుడ్లో హాట్ టాపిక్