Super Star Krishna: టాలీవుడ్లో సాంకేతికంగా కొత్త ప్రయోగాలకు మారుపేరైన సూపర్ స్టార్ కృష్ణ తెరకెక్కించిన ‘సింహాసనం’ సినిమా విడుదలై 40 సంవత్సరాలు పూర్తయ్యాయి. 1986 మార్చి 21న విడుదలైన ఈ చిత్రం అప్పట్లో భారీ సంచలనాన్ని సృష్టించింది. ఈ సినిమా గురించి ముఖ్యమైన విషయాలు ఇవి.
1. తొలి తెలుగు 70MM 6-ట్రాక్ స్టీరియో ఫోనిక్ సినిమా
‘సింహాసనం’ తెలుగులో తొలి 70MM 6-ట్రాక్ స్టీరియోఫోనిక్ సౌండ్ టెక్నాలజీతో రూపొందిన సినిమా. ఈ చిత్రాన్ని కృష్ణ స్వయంగా దర్శకత్వం వహించి టాలీవుడ్లో సాంకేతికంగా కొత్త ప్రమాణాలు సృష్టించారు.
2. కృష్ణ కెరీర్లో టర్నింగ్ పాయింట్
ఈ సినిమాలో కృష్ణ ద్విపాత్రాభినయం చేసి ప్రేక్షకులను ఆకట్టుకున్నారు. భారీ సెట్స్, గ్రాండియర్ విజువల్స్తో రూపొందిన ఈ చిత్రం ఆయన కెరీర్లో ఒక ముఖ్యమైన మైలురాయిగా నిలిచింది.
3. విడుదలైన వారం రోజుల్లోనే భారీ వసూళ్లు
రిలీజ్ అయిన తొలి వారంలోనే ఈ సినిమా రూ.1.5 కోట్లకు పైగా కలెక్షన్లు సాధించింది. ఆ కాలానికి ఇది చాలా పెద్ద రికార్డ్గా భావించారు.
4. అనేక నగరాల్లో 100 రోజుల విజయోత్సవం
విశాఖపట్నం, విజయవాడ, హైదరాబాద్ వంటి ప్రధాన కేంద్రాల్లో ఈ సినిమా 100 రోజులకు పైగా ప్రదర్శించబడింది. మద్రాసులో శతదినోత్సవం జరుపుకున్న తొలి తెలుగు చిత్రంగా కూడా ఇది గుర్తింపు పొందింది.
5. సినిమా కోసం 144 సెక్షన్ విధించిన అరుదైన సంఘటన
ఈ సినిమా క్రేజ్ అంతగా ఉండడంతో థియేటర్ల వద్ద భారీ జనసంద్రం ఏర్పడింది. రద్దీని నియంత్రించేందుకు విజయవాడలో కొన్ని ప్రాంతాల్లో 144 సెక్షన్ కూడా అమలు చేయాల్సి వచ్చింది, సినిమా టికెట్ ఉన్నవారికే వీధుల్లోకి అనుమతి ఇచ్చిన ఘటన అప్పట్లో సంచలనం సృష్టించింది.
ఇవీ చదవండి: Chennai Super Kings: ఐపీఎల్ 2026: ధోనీ కెప్టెన్సీపై ఇర్ఫాన్ పఠాన్ హాట్ కామెంట్స్..
Maa Nanna Superhero Review: మా నాన్న సూపర్ హీరో సినిమా రివ్యూ..
SSMB 28: గెట్ రెడీ టు మాస్ స్ట్రైక్.. మహేష్బాబు అభిమానులకు జాతరే!