Hardeep Singh Puri: పశ్చిమాసియాలో కొనసాగుతున్న యుద్ధ పరిస్థితుల నేపథ్యంలో దేశవ్యాప్తంగా లాక్డౌన్ విధించబోతున్నారనే వదంతులు సోషల్ మీడియాలో విస్తృతంగా వ్యాపిస్తున్నాయి. ఈ వార్తలపై కేంద్ర ప్రభుత్వం స్పష్టత ఇచ్చింది. దేశంలో లాక్డౌన్ విధించేలా ఎలాంటి ప్రతిపాదన ప్రభుత్వం పరిశీలనలో లేదని కేంద్ర పెట్రోలియం మరియు సహజవాయువు శాఖ మంత్రి Hardeep Singh Puri స్పష్టం చేశారు.
వదంతులను నమ్మొద్దు
సోషల్ మీడియా ద్వారా వ్యాప్తి చెందుతున్న ఈ వార్తలు పూర్తిగా అవాస్తవమని మంత్రి తెలిపారు. ఇలాంటి వదంతులు ప్రజల్లో అనవసర భయాందోళనలు సృష్టించే ప్రయత్నమని ఆయన హెచ్చరించారు. ప్రజలు బాధ్యతగా వ్యవహరించి ఇలాంటి సమాచారాన్ని నమ్మకుండా ఉండాలని సూచించారు.
సరిపడా ఇంధన నిల్వలు
పశ్చిమాసియాలో యుద్ధం కారణంగా గ్లోబల్ మార్కెట్లలో అనిశ్చితి నెలకొన్నప్పటికీ భారతదేశంలో క్రూడ్ ఆయిల్, పెట్రోల్, డీజిల్, ఎల్పీజీ వంటి ఇంధనాల సరఫరా సురక్షితంగానే ఉందని కేంద్రం తెలిపింది. దేశంలోని రిఫైనరీలు పూర్తి సామర్థ్యంతో పనిచేస్తున్నాయని, అవసరమైన ఇంధన నిల్వలు కూడా ఉన్నాయని వెల్లడించింది.
ధరల పెరుగుదలపై భయం
యుద్ధ ప్రభావంతో ప్రపంచవ్యాప్తంగా గ్యాస్, ఇంధన ధరలు పెరిగే అవకాశం ఉందనే భయంతో ప్రజలు పెట్రోల్, డీజిల్, నిత్యావసర వస్తువులను ముందుగానే కొనుగోలు చేసి నిల్వ చేసుకుంటున్నారు. అయితే దేశంలో ఆహారం, ఎరువులు, ఇంధన నిల్వలు పుష్కలంగా ఉన్నాయని ప్రభుత్వం స్పష్టం చేసింది.
పరిస్థితులపై కేంద్రం నిఘా
ప్రపంచ పరిస్థితులను దృష్టిలో పెట్టుకుని ఇంధన సరఫరా, నిత్యావసర వస్తువుల అందుబాటుపై కేంద్ర ప్రభుత్వం నిరంతరం నిశితంగా పర్యవేక్షణ చేస్తున్నట్లు అధికారులు తెలిపారు. ప్రజలకు ఇంధనం, విద్యుత్, ఇతర కీలక సేవలు ఎలాంటి అంతరాయం లేకుండా అందేలా అన్ని చర్యలు తీసుకుంటున్నామని ప్రభుత్వం హామీ ఇచ్చింది.
ఇవీ చదవండి: Puri Jagannath: పూరి జగన్నాథ్ రైటింగ్కి గ్లోబల్ రేంజ్ ఉంది – ప్రభాస్, మహేష్ బాబు ప్రశంసలతో మాస్ డైరెక్టర్ కమ్బ్యాక్ హైప్
LPG Gas: పీఎన్జీ ఉన్నవారికి ఎల్పీజీపై నిషేధం.. కేంద్రం కీలక నిర్ణయం
India Gas Crisis: దేశంలో గ్యాస్ సంక్షోభం తీవ్రం.. హోటల్ రంగం కుదేలు.. లాక్ డౌన్ లాంటి పరిస్థితి తప్పదా?