Strait of Hormuz: మధ్యప్రాచ్య ప్రాంతంలో ఉద్రిక్త పరిస్థితుల మధ్య భారతదేశానికి కీలకమైన ఇంధన సరఫరా కొనసాగుతోంది. భారతదేశానికి ఎల్పీజీ (LPG) సరఫరా చేస్తున్న రెండు నౌకలు విజయవంతంగా Strait of Hormuzను దాటి ప్రయాణం కొనసాగించాయి.
వివరాల ప్రకారం Jag Vasant మరియు Pine Gas అనే రెండు ఎల్పీజీ క్యారియర్ నౌకలు మొత్తం 92,612.59 మెట్రిక్ టన్నుల ఎల్పీజీతో భారతదేశం వైపు ప్రయాణిస్తున్నాయి. ఈ రెండు నౌకలు ఇప్పటికే హార్ముజ్ జలసంధిని దాటినట్లు సమాచారం.
ఈ నౌకల్లో భారతీయ నావికులూ ఉన్నారు. జాగ్ వసంత్ నౌకలో 33 మంది భారతీయ సీ ఫేరర్లు, అలాగే పైన్ గ్యాస్ నౌకలో 27 మంది భారతీయ సీ ఫేరర్లు విధులు నిర్వహిస్తున్నారు. ప్రస్తుతం ఈ నౌకలు భారత తీర ప్రాంతాల వైపు ప్రయాణం కొనసాగిస్తున్నాయి.
సమాచారం ప్రకారం ఈ రెండు నౌకలు మార్చి 26 నుంచి 28 మధ్య భారతదేశంలోని వివిధ పోర్టులకు చేరుకునే అవకాశం ఉంది. ఈ ఎల్పీజీ సరఫరా దేశీయ అవసరాలను తీర్చడంలో కీలక పాత్ర పోషించనుంది.
ప్రపంచంలో అత్యంత వ్యూహాత్మక సముద్ర మార్గాల్లో ఒకటైన హార్ముజ్ జలసంధి ద్వారా మధ్యప్రాచ్య దేశాల నుంచి భారీగా ఇంధన సరఫరా జరుగుతుంది. ఈ మార్గం సురక్షితంగా ఉండటం భారత్ వంటి దేశాల ఇంధన భద్రతకు అత్యంత ముఖ్యమని నిపుణులు చెబుతున్నారు.
ఇవీ చదవండి: LPG News: గ్యాస్ కొరత ప్రభావం.. త్వరలో 10 కేజీల ఎల్పీజీ సిలిండర్? కేంద్రం కొత్త ప్లాన్
LPG Gas: పీఎన్జీ ఉన్నవారికి ఎల్పీజీపై నిషేధం.. కేంద్రం కీలక నిర్ణయం
LPG News: మిడిల్ ఈస్ట్ ఉద్రిక్తతలు – వంటింట్లో మంట: ఎల్పీజీ సంక్షోభం తీవ్రం