Pawan Kalyan: పవర్ స్టార్ పవన్ కల్యాణ్ హీరోగా నటిస్తున్న లేటెస్ట్ చిత్రం ‘ఉస్తాద్ భగత్ సింగ్’పై భారీ అంచనాలు నెలకొన్నాయి. హరీశ్ శంకర్ దర్శకత్వంలో రూపొందుతున్న ఈ చిత్రం రిలీజ్కు ముందే మంచి హైప్ క్రియేట్ చేసింది. తాజాగా ఈ సినిమా సెన్సార్ కార్యక్రమాలు పూర్తయ్యాయి.
యూ/ఏ సర్టిఫికెట్ జారీ
సెన్సార్ బోర్డు ఈ చిత్రానికి U/A సర్టిఫికెట్ జారీ చేసింది. ఆసక్తికర విషయం ఏమిటంటే.. సెన్సార్ సభ్యులు సినిమాలో ఎలాంటి కట్స్ కూడా సూచించలేదని సమాచారం. రిలీజ్కు ఇంకా 9 రోజులు ఉండగానే సెన్సార్ పూర్తి కావడం విశేషంగా చెప్పుకోవచ్చు.
ఫిక్స్ అయిన రన్టైమ్
సెన్సార్ పూర్తి కావడంతో సినిమా రన్టైమ్ కూడా బయటకు వచ్చింది. తాజా సమాచారం ప్రకారం ఈ సినిమా మొత్తం 2 గంటల 34 నిమిషాల నిడివితో ప్రేక్షకుల ముందుకు రానుంది. యాక్షన్, ఎమోషన్స్, కమర్షియల్ ఎలిమెంట్స్ మిక్స్గా ఈ మూవీ ఉంటుందని టాక్ వినిపిస్తోంది.
వారం ముందే రిలీజ్
మొదట ఈ సినిమాను మార్చి 26న విడుదల చేయాలని చిత్రబృందం భావించింది. అయితే అనూహ్యంగా రిలీజ్ డేట్ను ముందుకు తీసుకొచ్చారు. ఇప్పుడు ఉగాది సందర్భంగా మార్చి 19న ఈ సినిమాను థియేటర్లలో విడుదల చేయబోతున్నారు.
భారీ అంచనాలు
ఈ సినిమాకు హరీశ్ శంకర్ దర్శకత్వం వహిస్తుండగా మైత్రీ మూవీ మేకర్స్ సంస్థ నిర్మిస్తోంది. సంగీతాన్ని దేవి శ్రీ ప్రసాద్ అందించగా, బ్యాక్గ్రౌండ్ మ్యూజిక్ కోసం ఎస్.ఎస్. థమన్ పనిచేస్తున్నారు. ఈ చిత్రంలో పవన్ కల్యాణ్ సరసన శ్రీలీల, రాశీ ఖన్నా హీరోయిన్లుగా నటిస్తున్నారు.
‘తెరి’ రీమేక్ ప్రచారం
కొంతకాలంగా ఈ సినిమా తమిళంలో విజయ్ హీరోగా వచ్చిన ‘తెరి’ సినిమాకు రీమేక్ అన్న ప్రచారం నడుస్తోంది. అయితే చిత్రబృందం మాత్రం ఈ వార్తలను పదేపదే ఖండిస్తోంది. ఇక త్వరలో ట్రైలర్ విడుదల కానుండగా, అప్పుడే సినిమా కథపై మరింత క్లారిటీ వచ్చే అవకాశం ఉంది. పవన్ కల్యాణ్ అభిమానులు మాత్రం ఉగాది సందర్భంగా థియేటర్లలో ఉస్తాద్ సందడి కోసం ఆసక్తిగా ఎదురుచూస్తున్నారు.
ఇవీ చదవండి: Pawan Kalyan: ఉస్తాద్ భగత్ సింగ్ vs ధురంధర్ 2: ప్రమోషన్స్లో హీట్ పెరిగింది
Pawan Kalyan: కొత్త జిల్లాల ప్రాతిపదికన జడ్పీ ఎన్నికలు: పచ్చదనం సంరక్షణకు జియో ట్యాగింగ్: ఉప ముఖ్యమంత్రి పవన్ కళ్యాణ్