BR Naidu video: తిరుమల తిరుపతి దేవస్థానాల (Tirumala Tirupati Devasthanams) చైర్మన్ BR Naiduకు సంబంధించినట్లు ప్రచారం అవుతున్న వీడియోలు, ఫొటోలు ప్రస్తుతం సోషల్ మీడియాలో తీవ్ర చర్చకు దారితీశాయి. ఓ మహిళతో కలిసి ఉన్నట్లు చూపిస్తున్న కొన్ని వీడియో క్లిప్స్, చిత్రాలు వైరల్ కావడంతో రాజకీయ వర్గాల్లోనూ, సోషల్ మీడియాలోనూ పెద్ద ఎత్తున ట్రోలింగ్ జరుగుతోంది.
వైరల్ అవుతున్న ఫొటోల్లో కనిపిస్తున్న మహిళ బీఆర్ నాయుడు భార్య కాదని నెటిజన్లు కామెంట్లు చేస్తుండగా, కొన్ని రాజకీయ వర్గాలు ముఖ్యంగా వైఎస్సార్సీపీ అనుచరులు మీమ్స్ రూపంలో విమర్శలు గుప్పిస్తున్నారు. దీంతో ఈ అంశం సోషల్ మీడియాలో హాట్ టాపిక్గా మారింది.
అయితే ఈ ఆరోపణలను బీఆర్ నాయుడు తీవ్రంగా ఖండించారు. సోషల్ మీడియాలో వైరల్ అవుతున్న వీడియోలు, ఫొటోలు పూర్తిగా డీప్ఫేక్ టెక్నాలజీతో తయారు చేసినవేనని ఆయన స్పష్టం చేశారు. తన ప్రతిష్ట దెబ్బతీయడానికి ఉద్దేశపూర్వకంగా కొందరు కుట్ర పన్నుతున్నారని ఆరోపించారు.
ఈ వ్యవహారంపై ఇప్పటికే పోలీసులకు అధికారికంగా ఫిర్యాదు చేసినట్లు తెలిపారు. నకిలీ వీడియోలను సృష్టించి ప్రచారం చేస్తున్న వ్యక్తులను గుర్తించి కఠిన చర్యలు తీసుకోవాలని పోలీసులను కోరినట్లు వెల్లడించారు. సైబర్ క్రైమ్ విభాగం ఈ అంశంపై దర్యాప్తు ప్రారంభించే అవకాశం ఉన్నట్లు సమాచారం.
ఇటీవల ప్రజా ప్రతినిధులు, ప్రముఖులపై డీప్ఫేక్ వీడియోలు సృష్టించి సోషల్ మీడియాలో వైరల్ చేయడం పెరుగుతున్న నేపథ్యంలో ఈ ఘటన మరింత ప్రాధాన్యత సంతరించుకుంది. నిజానిజాలు బయటకు రావాల్సి ఉండగా, విచారణ ఫలితాలపై అందరి దృష్టి నిలిచింది.
ఇవీ చదవండి: BR Naidu: టీటీడీ చైర్మన్గా బాధ్యతలు తీసుకున్న బొల్లినేని రాజగోపాల్ నాయుడు
Breaking News : ఇవాళ్టి ముఖ్యమైన వార్తలు | సెప్టెంబర్ 5, 2025