NCET 2026 : దేశవ్యాప్తంగా ఉపాధ్యాయ వృత్తిని లక్ష్యంగా చేసుకున్న విద్యార్థులకు శుభవార్త. 2026–27 విద్యా సంవత్సరానికి సంబంధించి నాలుగేళ్ల ఇంటిగ్రేటెడ్ టీచర్ ఎడ్యుకేషన్ ప్రోగ్రామ్ (ITEP) కోర్సుల్లో ప్రవేశాల కోసం నేషనల్ కామన్ ఎంట్రన్స్ టెస్ట్ – NCET 2026 నోటిఫికేషన్ విడుదలైంది. ఈ పరీక్షను National Testing Agency (NTA) నిర్వహిస్తోంది.
ఈ ప్రవేశ పరీక్ష ద్వారా దేశవ్యాప్తంగా ఉన్న 64 జాతీయ విద్యా సంస్థల్లో – సెంట్రల్ యూనివర్సిటీలు, స్టేట్ యూనివర్సిటీలు, ఐఐటీలు, ఎన్ఐటీలు, ఆర్ఐఈలు తదితర సంస్థల్లో – అందుబాటులో ఉన్న సుమారు 6,000 ఐటీఈపీ సీట్లను భర్తీ చేయనున్నారు.
ITEP అంటే ఏమిటి?
ITEP అనేది నాలుగేళ్ల సమగ్ర ఉపాధ్యాయ శిక్షణ కార్యక్రమం. ఇందులో
BA-B.Ed
BSc-B.Ed
BCom-B.Ed వంటి కోర్సులు ఒకేసారి పూర్తి చేసే అవకాశం ఉంటుంది. ఈ కోర్సు పూర్తిచేసిన అభ్యర్థులు పాఠశాల స్థాయిలో బోధనకు పూర్తిగా అర్హులు అవుతారు.
అర్హతలు
12వ తరగతి ఉత్తీర్ణులై ఉండాలి
లేదా 2026లో ఇంటర్ సెకండ్ ఇయర్ పరీక్షలు రాయబోయే విద్యార్థులు కూడా దరఖాస్తు చేసుకోవచ్చు
ముఖ్యమైన తేదీలు
దరఖాస్తు ప్రారంభం: ఫిబ్రవరి 12, 2026
దరఖాస్తు చివరి తేదీ: మార్చి 10, 2026
ఫీజు చెల్లింపు చివరి తేదీ: మార్చి 11, 2026
అప్లికేషన్ సవరణ అవకాశం: మార్చి 12 నుంచి 14, 2026 వరకు
రాత పరీక్ష తేదీ: ఏప్రిల్ 7, 2026
దరఖాస్తు ఫీజు
జనరల్: రూ.1200
ఓబీసీ / ఈడబ్ల్యూఎస్: రూ.1000
ఎస్సీ / ఎస్టీ / పీడబ్ల్యూడీ / థర్డ్ జెండర్: రూ.650
పరీక్ష విధానం
NCET 2026 పరీక్ష ఆన్లైన్ విధానంలో నిర్వహిస్తారు. ఇది మల్టిపుల్ చాయిస్ ప్రశ్నలతో (MCQs) ఉంటుంది. తెలుగు సహా మొత్తం 13 భాషల్లో పరీక్ష రాయడానికి అవకాశం ఉంటుంది.
ప్రధాన విభాగాలు:
భాషా నైపుణ్యాలు, రీడింగ్ కాంప్రహెన్షన్, వొకాబులరీ
జనరల్ నాలెడ్జ్, కరెంట్ అఫైర్స్
జనరల్ మెంటల్ ఎబిలిటీ
న్యూమరికల్, క్వాంటిటేటివ్, లాజికల్ & అనలిటికల్ రీజనింగ్
టీచింగ్ ఆప్టిట్యూడ్ (సైన్స్, ఆర్ట్స్, మ్యాథ్స్, భాషలు, పర్ఫార్మింగ్ ఆర్ట్స్ ఆధారంగా)
సీట్ల కేటాయింపు
NCET 2026లో సాధించిన ర్యాంక్ ఆధారంగా కౌన్సెలింగ్ నిర్వహించి ఆయా సంస్థల్లో సీట్లు కేటాయిస్తారు.
ఉపాధ్యాయ వృత్తికి బలమైన పునాది
కేంద్ర ప్రభుత్వం ప్రవేశపెట్టిన ITEP ద్వారా భవిష్యత్ ఉపాధ్యాయులకు నాణ్యమైన శిక్షణ అందించి, విద్యా వ్యవస్థను మరింత బలోపేతం చేయడమే లక్ష్యం. బోధన రంగంలో కెరీర్ నిర్మించాలనుకునే విద్యార్థులకు ఇది గొప్ప అవకాశంగా మారనుంది.
ఇవీ చదవండి: AP Teachers : టీచర్ల బదిలీలను ప్రహసనంగా మార్చిన కూటమి సర్కార్
Mega Parent Teacher Meeting: ప్రైవేటు స్కూళ్లకంటే ఉత్తమంగా ప్రభుత్వ స్కూళ్లు
AP Education Volunteers: ఏపీ స్కూళ్లలో విద్యావాలంటీర్లు? డీఎస్సీ నోటిఫికేషన్ తర్వాతే!