Hero Nithin : ప్రముఖ నటుడు హర్షవర్ధన్ గురించి ప్రత్యేకంగా పరిచయం అవసరం లేదు. ముఖ్యంగా అమృతం సీరియల్ ద్వారా గుండు హనుమంతరావుతో కలిసి చేసిన కామెడీతో తెలుగు ప్రేక్షకుల హృదయాల్లో చెరగని ముద్ర వేశారు. శాంతి నివాసం, కస్తూరి వంటి సూపర్ హిట్ సీరియల్స్తో పాటు కొండవీటి సింహాసనం, ఐతే, అతడు, అనుకోకుండా ఒక రోజు, పౌర్ణమి వంటి ఎన్నో విజయవంతమైన చిత్రాల్లో నటించి మంచి గుర్తింపు తెచ్చుకున్నారు.
మధ్యలో కొన్నేళ్ల పాటు ఇండస్ట్రీకి దూరమైనప్పటికీ, మళ్లీ సహాయక నటుడిగా బిజీగా మారారు హర్షవర్ధన్.
గబ్బర్ సింగ్, లీడర్, గోల్కొండ హైస్కూల్, బ్రూస్లీ, ఊపిరి, బ్రోచేవారెవరురా, జాంబిరెడ్డి, పుష్పక విమానం, స్వాతి ముత్యం, హిట్ ది సెకండ్ కేస్, సరిపోదా శనివారం, మారుతీ నగర్ సుబ్రమణ్యం, కోర్టు, పరదా వంటి చిత్రాల్లో ఆయన చేసిన పాత్రలు ప్రేక్షకుల ప్రశంసలు అందుకున్నాయి.
ఇక తాజాగా మెగాస్టార్ చిరంజీవి నటించిన ‘మన శంకరవర ప్రసాద్ గారు’ సినిమాలో కీలక పాత్రలో కనిపించి మరోసారి ప్రేక్షకుల దృష్టిని ఆకర్షించారు.
ఇంటర్వ్యూలో మందుబాబులకు ప్రత్యేక సూచనలు
ప్రస్తుతం మన శంకరవర ప్రసాద్ గారు సినిమా సక్సెస్ను ఎంజాయ్ చేస్తున్న హర్షవర్ధన్ తాజాగా ఓ ఇంటర్వ్యూలో పాల్గొన్నారు. ఈ సందర్భంగా తన వ్యక్తిగత, వృత్తి జీవితంతో పాటు మద్యం సేవించే వారికి కొన్ని కీలక ఆరోగ్య సూచనలు చేశారు.
“ఒక పెగ్గు మద్యం తాగిన తర్వాత తప్పనిసరిగా ఒక గ్లాస్ నీళ్లు తాగాలి. ప్రతి పెగ్గుకు నీళ్లు తాగితే శరీరంపై మద్యం ప్రభావం కొంతవరకు తగ్గుతుంది” అని హర్షవర్ధన్ తెలిపారు.
ఈ అలవాటు తనకు నటుడు నితిన్ తండ్రి సుధాకర్ రెడ్డి నేర్పించారని చెప్పారు.
“డ్రింక్ చేయడానికి ముందు ఆయన అర లీటర్ నీళ్లు తాగుతారు. ఇలా చేయడం వల్ల శరీరానికి వచ్చే నష్టం కొంత తగ్గుతుందని ఆయన చెప్పారు. అదే విషయాన్ని నేను కూడా పాటిస్తున్నాను” అంటూ వివరించారు.
సోషల్ మీడియాలో వైరల్
హర్షవర్ధన్ చేసిన ఈ వ్యాఖ్యల వీడియో ప్రస్తుతం సోషల్ మీడియాలో వైరల్గా మారింది. ఆరోగ్యాన్ని దృష్టిలో పెట్టుకుని మద్యం సేవించేవారు తప్పకుండా జాగ్రత్తలు పాటించాలన్న ఆయన సూచనలకు నెటిజన్ల నుంచి మంచి స్పందన వస్తోంది.
మందుబాబులకు హర్షవర్ధన్ ఇచ్చిన ఈ సింపుల్ కానీ ఉపయోగకరమైన సలహా ఇప్పుడు విస్తృతంగా చర్చకు దారి తీస్తోంది.
ఇవీ చదవండి: Tollywood : చాలా పెద్ద తప్పు చేసింది అప్పుడే.. ఇప్పటికీ ఫీల్ అవుతుంటాను.. స్టార్ హీరోయిన్ పశ్చాత్తాపం
Nandamuri Balakrishna: ఇలాంటి మూవీస్ను బాలకృష్ణ వదులుకున్నాడా? ఆల్ టైమ్ హిట్లు!