Tollywood : మెగాస్టార్ చిరంజీవి కెరీర్లో ప్రత్యేక స్థానం సంపాదించుకున్న చిత్రం హిట్లర్. ఆ సినిమాలో చిరంజీవి నటనకు ప్రేక్షకులు బ్రహ్మరథం పట్టారు. అయితే, అదే సినిమాలో చిరంజీవి చెల్లెలిగా నటించిన నటి మీనా కుమారికు ఒక డైలాగ్ కారణంగా ఊహించని అనుభవం ఎదురైందట.
ఒక్క డైలాగ్… అంతటి వివాదం
ఇటీవల ఓ ఇంటర్వ్యూలో పాల్గొన్న మీనా కుమారి, తన సినీ ప్రయాణంతో పాటు వ్యక్తిగత జీవితానికి సంబంధించిన పలు ఆసక్తికర విషయాలను పంచుకున్నారు. 1997లో విడుదలైన హిట్లర్ సినిమాలో తాను చెప్పిన ఒక డైలాగ్ తీవ్ర వివాదానికి దారి తీసిందని ఆమె గుర్తు చేసుకున్నారు.
సినిమాలో చిరంజీవి పాత్రను ఉద్దేశించి “నిన్ను చూస్తుంటే నాకు రాక్షసుడిలా కనిపిస్తున్నావు” అని తాను పలికిన డైలాగ్… సినిమా విడుదలైన తర్వాత అభిమానులను ఆగ్రహానికి గురిచేసిందట. అది కేవలం కథలో భాగమే అయినా, కొందరు అభిమానులు వ్యక్తిగతంగా తీసుకున్నారని ఆమె చెప్పారు.
“మా హీరోని రాక్షసుడంటావా?”
ఈ డైలాగ్ తర్వాత తాను ఎక్కడికి వెళ్లినా చిరంజీవి అభిమానులు ప్రశ్నించేవారని మీనా కుమారి తెలిపారు. ఒకసారి ఒంగోలులో జరిగిన హిట్లర్ 50 రోజుల వేడుకకు వెళ్తుండగా, సుమారు 50 మంది అభిమానులు తన కారును అడ్డుకున్న సంఘటనను గుర్తు చేసుకున్నారు.
“మా హీరోని రాక్షసుడంటావా? కిందకి దిగు” అంటూ ఆగ్రహం వ్యక్తం చేశారని చెప్పారు. అభిమానుల ప్రేమ, అదే సమయంలో వారి కోపం చూసి తాను షాక్కు గురయ్యానని తెలిపారు. చివరకు అది సినిమా డైలాగ్ మాత్రమే అని వివరించి, వారిని శాంతింపజేయాల్సి వచ్చిందన్నారు.
ప్రస్తుతం లైఫ్ ఎలా ఉంది?
సినిమాలకు దూరంగా ఉన్న మీనా కుమారి ప్రస్తుతం కుటుంబంతో హ్యాపీగా జీవిస్తున్నారు. ఆమె కుమారుడు వైద్యుడు కాగా, అతని భార్య కూడా డాక్టరేనని చెప్పారు. కొడుకుకు సినిమాలపై కొంత ఆసక్తి ఉందని కూడా వెల్లడించారు.
సెకండ్ ఇన్నింగ్స్కు సిద్ధం
మంచి కథలు, బలమైన పాత్రలు వస్తే మళ్లీ నటించేందుకు సిద్ధంగా ఉన్నానని మీనా కుమారి తెలిపారు. అయితే చెన్నైలో నివాసం ఉండటం, మేనేజర్లు అందుబాటులో లేకపోవడం వల్ల అవకాశాలు రావడం లేదని చెప్పారు.
చిరంజీవిపై ప్రత్యేక భావోద్వేగం
చిరంజీవిని తన ఆల్టైమ్ ఫేవరెట్ హీరోగా మీనా కుమారి పేర్కొన్నారు. ఆయనను చూసినప్పుడు అన్నయ్యను చూసినట్టే అనిపిస్తుందని, అది తన హృదయంలోంచి వచ్చే ఎమోషన్ అని చెప్పారు. ఇతర హీరోలతో సినిమా పరంగానే అనుబంధం ఉండేదని, కానీ చిరంజీవితో మాత్రం ప్రత్యేకమైన బంధం ఏర్పడిందని ఆమె వెల్లడించారు.
ఇవీ చదవండి: Sonali : చిరంజీవి–మహేష్ బాబుతో సినిమాలు.. 51 ఏళ్లకూ వన్నె తగ్గని గ్లామర్… క్యాన్సర్ను జయించి నిలిచిన మగువ
Chiranjeevi : చిరంజీవి జీవితంలో టాప్ 10 విశేషాలు