Nainika : నైనిక — ఢీ డాన్స్ షో ద్వారా గుర్తింపు తెచ్చుకుని, తన డాన్స్తో పాటు అందం, ఆత్మవిశ్వాసంతో ప్రేక్షకులను ఆకట్టుకున్న యువతుల్లో ఒకరు. సోషల్ మీడియాలో మంచి ఫాలోయింగ్ సంపాదించుకున్న నైనిక, ఆ క్రేజ్తోనే బిగ్ బాస్ షోలోకి అడుగుపెట్టింది. షోలో ఆమె ఉన్నది కొన్ని వారాలే అయినా, తన ఆటతీరు, వ్యక్తిత్వంతో ప్రత్యేక గుర్తింపు తెచ్చుకుంది.
బిగ్ బాస్ నుంచి బయటకు వచ్చిన తర్వాత నైనిక పలు ఇంటర్వ్యూల్లో పాల్గొంటోంది. ఈ క్రమంలో తాజాగా ఇచ్చిన ఒక ఇంటర్వ్యూలో ఆమె తన వ్యక్తిగత జీవితానికి సంబంధించిన అత్యంత సున్నితమైన విషయాలను పంచుకుంది. ముఖ్యంగా తన తండ్రి గురించి చేసిన వ్యాఖ్యలు ఇప్పుడు సోషల్ మీడియాలో వైరల్గా మారాయి.
ఆ ఇంటర్వ్యూలో నైనిక మాట్లాడుతూ.. తన తల్లికి సెలూన్ వ్యాపారం ఉందని తెలిపింది. తండ్రి దూరమైన తర్వాత, “నీకు మంచి జీవితం ఇస్తాను, సొంత ఇల్లు కడతాను” అని తల్లి తనకు మాట ఇచ్చిందని చెప్పింది. ఒడిశాలో తమకు మూడు నుంచి నాలుగు అంతస్తుల భవనం ఉండేదని, దాని ద్వారా అద్దె ఆదాయం వచ్చేదని వెల్లడించింది.
అయితే, తనకు హైదరాబాద్లో సినీ రంగంలో అవకాశాలు రావడంతో, ఒంటరిగా అక్కడ ఉండటం సరికాదని భావించిన తల్లి, ఆ ఆస్తిని అమ్మేసి, ఆ డబ్బుతో హైదరాబాద్లో ఒక స్టూడియో స్థాయి సెలూన్ ప్రారంభించిందని నైనిక తెలిపింది. తన కెరీర్ కోసం తల్లి తీసుకున్న ఆ నిర్ణయం తన జీవితాన్ని పూర్తిగా మార్చిందని చెప్పింది.
తండ్రి గురించి మాట్లాడిన నైనిక.. ఆయనకు మద్యం అలవాటు ఉండేదని, తరచూ దురుసుగా ప్రవర్తించేవారని, తల్లిని కొట్టేవారని భావోద్వేగంగా వెల్లడించింది. తనకు ఐదేళ్ల వయసున్నప్పుడే తల్లిదండ్రులు విడిపోయారని, ఆ తర్వాత తండ్రితో ఎలాంటి సంబంధం లేదని చెప్పింది. “తండ్రి ప్రేమ అంటే ఏమిటో నాకు తెలియదు” అని ఆమె చెప్పిన మాటలు అందరినీ కదిలించాయి.
తన 13వ ఏట తండ్రి తిరిగి వచ్చినప్పటికీ, ఆయన ప్రవర్తనలో ఎలాంటి మార్పు రాలేదని నైనిక తెలిపింది. మళ్లీ మద్యం తాగి తల్లిని హింసించడంతో, “ఇంట్లో ఆయన ఉండకూడదు” అని తానే గట్టిగా చెప్పానని వెల్లడించింది. ఆ తర్వాత ఆయన తమ జీవితాల నుంచి పూర్తిగా వెళ్లిపోయారని, అప్పటి నుంచి ఆయన అవసరం తమకు ఎప్పుడూ రాలేదని స్పష్టం చేసింది.
ఇంట్లో ఒక పెద్ద పురుష దిక్కు ఉండాలని చాలామంది అంటారని, కానీ తమ జీవితం మాత్రం తల్లి ధైర్యంతోనే అద్భుతంగా సాగిందని నైనిక చెప్పింది. ఈ ప్రయాణంలో తన మామయ్య (తల్లి సోదరుడు) తమకు అన్ని విధాలా అండగా నిలిచారని, తల్లికి సోదరుడిలా, తనకు తండ్రి స్థానంలో సహాయపడ్డారని తెలిపింది.
ఆడిషన్స్కు వెళ్లినప్పుడు కూడా తల్లి తన వెంట ఉండేదని, పురుషుల అండ లేకుండానే తాము ఇంత దూరం వచ్చామని నైనిక గర్వంగా చెప్పింది. సినిమాలు చూసినప్పుడు లేదా ఇతరుల తండ్రులను చూసినప్పుడు కూడా “నాకు తండ్రి ఉంటే బాగుండు” అనే భావన ఎప్పుడూ కలగలేదని తెలిపింది. కారణం — తండ్రి ప్రేమ ఎలా ఉంటుందో తనకు తెలియదని.
అయితే, సినీ పరిశ్రమలో రాత్రివేళ ప్రయాణాలు చేయాల్సిన సందర్భాల్లో లేదా కొత్త వ్యక్తులను కలిసే వేళ, ఒక తండ్రి అండ, భద్రత ఉంటే బాగుంటుందని మాత్రం అప్పుడప్పుడు అనిపిస్తుందని నైనిక చెప్పింది. “ఆ భద్రత ఉంటే ఎవరినైనా ఎదుర్కోగలం” అని ఆమె చేసిన వ్యాఖ్యలు ఎంతోమందిని ఆలోచింపజేస్తున్నాయి.
ఇవీ చదవండి: Bigg Boss 9 Telugu Updates: సామాన్యుడికే పట్టం! బిగ్ బాస్ విన్నర్గా కళ్యాణ్ పడాల
Bigg Boss 9 Telugu : అంగరంగ వైభవం.. బిగ్ బాస్ సీజన్ 9 కంటెస్టెంట్స్ వీళ్లే!