Christmas Holidays 2025: దేశవ్యాప్తంగా చలి తీవ్రత రోజురోజుకూ పెరుగుతోంది. చాలా ప్రాంతాల్లో ఉష్ణోగ్రతలు సింగిల్ డిజిట్కు పడిపోవడంతో సాధారణ జీవనం స్థంభిస్తోంది. ఈ సమయంలో విద్యార్థులకు క్రిస్మస్ సెలవులు రావడం కాస్త ఊరటను కలిగిస్తోంది. రేపటినుంచే పాఠశాలలకు క్రిస్మస్ సెలవులు ప్రారంభం కానుండటంతో, హాస్టళ్లలో చదువుతున్న విద్యార్థులు ఇప్పటికే ఇళ్లకు బయల్దేరుతున్నారు.
తెలుగు రాష్ట్రాల్లో సెలవుల వివరాలు
Andhra Pradesh ప్రభుత్వం క్రిస్మస్ సందర్భంగా వరుసగా మూడు రోజుల సెలవులు ప్రకటించింది.
డిసెంబర్ 24న క్రిస్మస్ ఈవ్ సందర్భంగా ఆప్షనల్ హాలిడే ఇచ్చారు.
డిసెంబర్ 25న క్రిస్మస్ పండగ సెలవు, డిసెంబర్ 26న బాక్సింగ్ డే సెలవు ఉండటంతో వరుసగా మూడు రోజులు సెలవులు వచ్చాయి.
అదనంగా డిసెంబర్ 27 నాలుగో శనివారం, డిసెంబర్ 28 ఆదివారం కావడంతో ఉద్యోగులకు మొత్తం ఐదు రోజుల వరకు వీకెండ్తో కలిపి సెలవులు లభించాయి. ఈ నేపథ్యంలో మంగళవారం సాయంత్రం నుంచే రెండు తెలుగు రాష్ట్రాల్లో పండగ వాతావరణం నెలకొంది. బస్సు స్టేషన్లు, రైల్వే స్టేషన్ల వద్ద విద్యార్థులు, ప్రయాణికులతో సందడి నెలకొంది.
Telanganaలోని మిషనరీ స్కూళ్లలో డిసెంబర్ 23 నుంచి 27 వరకు క్రిస్మస్ సెలవులు ఇచ్చారు.
ఉత్తరాది రాష్ట్రాల్లో శీతాకాల సెలవులు
ఉత్తర భారతదేశంలోని అనేక రాష్ట్రాల్లో ప్రభుత్వ, ప్రైవేట్ పాఠశాలలకు శీతాకాల సెలవులు ప్రకటించారు. చాలా చోట్ల డిసెంబర్ 25, 2025 నుంచి జనవరి 5, 2026 వరకు విద్యా సంస్థలు మూతపడనున్నాయి. దీంతో విద్యార్థులకు మొత్తం 12 రోజుల శీతాకాల సెలవులు లభించనున్నాయి.
అయితే Uttar Pradeshలో మాత్రం డిసెంబర్ 25న క్రిస్మస్ సెలవు ఉండబోదని అక్కడి ప్రభుత్వం స్పష్టం చేసింది. ఆ రోజు మాజీ ప్రధాని Atal Bihari Vajpayee జయంతి సందర్భంగా అన్ని పాఠశాలల్లో ప్రత్యేక కార్యక్రమాలు నిర్వహించనున్నారు. వాజ్పేయి జీవితం, సేవలపై చర్చలు, సాంస్కృతిక కార్యక్రమాలు, పోటీలు నిర్వహించాలని, విద్యార్థులు–ఉపాధ్యాయులు తప్పనిసరిగా హాజరుకావాలని యూపీ సర్కార్ ఆదేశించింది.
పంజాబ్లో ఏకంగా 20 రోజుల సెలవులు
Punjab రాష్ట్రంలో క్రిస్మస్ సందర్భంగా సుదీర్ఘ శీతాకాల సెలవులు ప్రకటించారు. డిసెంబర్ 22 నుంచి జనవరి 10 వరకు స్కూళ్లకు సెలవులు ఇచ్చారు. అంటే మొత్తం 20 రోజుల హాలిడేస్ కావడం గమనార్హం.
Rajasthanలో 10 రోజుల శీతాకాల సెలవులు ప్రకటించగా,
Haryanaలో క్రిస్మస్ రోజైన డిసెంబర్ 25 ఒక్కరోజే సెలవు ఉంది. డిసెంబర్ 26 నుంచి పాఠశాలలు యథావిధిగా పనిచేయనున్నాయి.
Keralaలో డిసెంబర్ 24 నుంచి జనవరి 4 వరకు విద్యా సంస్థలకు సెలవులు ఇచ్చారు.
ఇవీ చదవండి: Akhanda 2 : అఖండ 2: డిసెంబర్ 12 విడుదల.. ఎందుకు వాయిదా పడింది? పూర్తి పరిణామాలివీ
Telangana Holidays List 2026: తెలంగాణలో 2026 ప్రభుత్వ సెలవుల వివరాలు విడుదల
AP Govt Holidays 2026: కొత్త ఏడాదిలో భారీగా సెలవులు – పూర్తి లిస్ట్ ఇదే!