KKR Captain: ఐపీఎల్ 2026 వేలం సమయం దగ్గర పడుతుండడంతో అన్ని జట్లు తమ రిటెన్షన్ లిస్టులపై దృష్టి పెట్టాయి. ఈ సందర్భంలో కోల్కతా నైట్ రైడర్స్ కూడా తమ తదుపరి కెప్టెన్ ఎంపికపై కీలక నిర్ణయం తీసుకున్నట్లు వార్తలు వస్తున్నాయి. ఈసారి జట్టు నాయకత్వాన్ని అనుభవజ్ఞుడైన ఆటగాడికి అప్పగించేందుకు యాజమాన్యం సిద్ధంగా ఉన్నట్లు తెలుస్తోంది.
KKR కెప్టెన్సీపై ఆసక్తి పెరగడానికి కారణమేంటి?
కేకేఆర్ తరఫున అద్భుత ప్రదర్శనలు చేసిన ఒక స్టార్ ప్లేయర్ పేరు ఇప్పుడు కెప్టెన్ ರేసులో ముందు వరుసలో నిలిచింది. షారుఖ్ ఖాన్ స్వయంగా ఈ నిర్ణయంపై ఆసక్తి చూపుతున్నారని అంటున్నారు.
వరుణ్ చక్రవర్తే – కేకేఆర్ కొత్త కెప్టెన్గా?
34 ఏళ్ల మిస్ట్రీ స్పిన్నర్ వరుణ్ చక్రవర్తి ఈసారి కెప్టెన్సీకి ప్రధాన దావేదారుడిగా ఎదిగాడు. ఇటీవలే తమిళనాడు జట్టు అతనిని సయ్యద్ ముష్తాక్ అలీ ట్రోఫీ కోసం కెప్టెన్గా ఎంపిక చేసింది. నవంబర్ 26 నుంచి ప్రారంభమయ్యే ఈ టి20 టోర్నీలో వరుణ్ తొలిసారి నాయకత్వం వహించనున్నాడు.
ఈ తాజా బాధ్యత అతనిపై ఉన్న నమ్మకాన్ని సూచిస్తోంది. అదే నమ్మకంతో కేకేఆర్ కూడా తన పగ్గాలు అతనికి అప్పగించే అవకాశముందని అంతర్గత వర్గాలు చెబుతున్నాయి.
ఎందుకు వరుణ్ చక్రవర్తేనే?
ఐపీఎల్లో కేకేఆర్ తరపున వరుణ్ ప్రదర్శన అద్భుతం.
ఇప్పటివరకు 83 మ్యాచ్ల్లో 99 వికెట్లు తీసి జట్టుకు పెద్ద మ్యాచ్ విన్నర్గా నిలిచాడు.
కీలక సందర్భాల్లో అతని బౌలింగ్ మ్యాచ్ను తారుమారు చేసే శక్తి కలిగి ఉంది.
కొత్త నాయకత్వం అవసరమున్న ఈ దశలో అతని పేరు సహజంగానే ముందుకు వస్తోంది.
KKR యాజమాన్యం నిర్ణయం ఎప్పుడు?
ఐపీఎల్ 2026 రిటెన్షన్ డెడ్లైన్ దగ్గరవుతున్న నేపథ్యంలో కేకేఆర్ యాజమాన్యం త్వరలోనే కెప్టెన్ పేరును అధికారికంగా ప్రకటించే అవకాశం ఉంది. వరుణ్ చక్రవర్తే సయ్యద్ ముష్తాక్ అలీ ట్రోఫీలో మంచి కెప్టెన్సీ నైపుణ్యాలను చూపితే, అతనే కేకేఆర్ తదుపరి కెప్టెన్ అవ్వడం దాదాపు ఖాయం అని భావిస్తున్నారు.
ఇవీ చదవండి: Nitish Rana : క్రికెట్ తిండి పెడుతుందా? అని హేళన.. కట్ చేస్తే!
IPL Reschedule 2025 : ఐపీఎల్ రీషెడ్యూల్ తేదీలు.. ముఖ్యాంశాలివీ!