Lord Shani Dev: జ్యోతిషశాస్త్రం ప్రకారం శని, బుధులు మిత్ర గ్రహాలు. వీరి కలయిక లేదా పరస్పర దృష్టి ఏర్పడినప్పుడు కష్టాలు తగ్గి, అనుకున్న పనులు సులభంగా పూర్తవుతాయి. శని శ్రమకు, బుధుడు బుద్ధి బలానికి కారకులు కావడంతో ఈ రెండు గ్రహాల అనుగ్రహం ఉంటే ఏ సమస్యకైనా పరిష్కారం లభిస్తుంది.
ప్రస్తుతం బుధుడు కన్య రాశిలో ఉచ్ఛస్థితిలో ప్రవేశించడం వల్ల దానికి రెట్టింపు శక్తి వచ్చింది. శని-బుధుల సప్తక దృష్టి వృషభం, మిథునం, కన్య, తుల, మకర, కుంభ రాశుల వారికి అదృష్టం, ధన యోగాలు తెస్తుంది. బుధుడు అక్టోబర్ 2 వరకు కన్య రాశిలో ఉచ్ఛస్థితిలో కొనసాగుతాడు.
♉ వృషభం (Taurus)
శని-బుధుల దృష్టి మీ సమస్యలను పరిష్కరిస్తుంది. ఉద్యోగంలో ప్రతిష్ట పెరుగుతుంది. వ్యాపారాలు లాభదాయకంగా మారతాయి. షేర్లు, స్పెక్యులేషన్ల ద్వారా ఆదాయం పెరుగుతుంది. కుటుంబ సమస్యలు సర్దుబాటు అవుతాయి. పిల్లల అభివృద్ధి సంతోషం కలిగిస్తుంది.
♊ మిథునం (Gemini)
రాశ్యధిపతి బుధుడు ఉచ్ఛంలో ఉండి శనిని చూడడం వల్ల ఉద్యోగంలో ఆటంకాలు తొలగిపోతాయి. వృత్తి, వ్యాపారాల్లో మార్పులు చేసి లాభాల బాటపడతారు. విదేశీ అవకాశాలు వస్తాయి. కుటుంబ సమస్యలు పరిష్కారం అవుతాయి. ఆదాయం పెరుగుతుంది.
♍ కన్య (Virgo)
బుధుడు ఉచ్ఛంలో ఉండి శనితో దృష్టి కలవడంతో ఆస్తి సమస్యలు సానుకూలంగా పరిష్కారం అవుతాయి. బాకీలు, రావలసిన సొమ్ము వసూలు అవుతుంది. షేర్లు, పెట్టుబడులు లాభిస్తాయి. వృత్తి, వ్యాపారాలు బిజీగా సాగుతాయి. ఆరోగ్య సమస్యలు తగ్గుతాయి. వివాహ, ఉద్యోగ యోగాలు ఉంటాయి.
♎ తుల (Libra)
శని-బుధుల దృష్టి వల్ల విదేశీ అవకాశాలు కలుగుతాయి. పోటీ పరీక్షలు, ఇంటర్వ్యూలలో విజయం సాధిస్తారు. ఆర్థిక, ఆస్తి వ్యవహారాలు సులభంగా పరిష్కారం అవుతాయి. ఆరోగ్యం మెరుగుపడుతుంది. గృహ, ఆస్తి ఒప్పందాలు కుదురుతాయి. ఆదాయం గణనీయంగా పెరుగుతుంది.
♑ మకరం (Capricorn)
రాశ్యధిపతి శనిపై బుధుడి దృష్టి పడటం వల్ల విదేశీ ప్రయాణ సమస్యలు తొలగుతాయి. కోర్టు కేసులు పరిష్కారం అవుతాయి. ఉద్యోగులు, నిరుద్యోగులకు విదేశీ ఉద్యోగ అవకాశాలు లభిస్తాయి. తండ్రి వైపు నుంచి ఆస్తి లభిస్తుంది. పెళ్లి యోగం ఉంది. అనుకున్న పనులు అనుకున్నట్టు పూర్తవుతాయి.
♒ కుంభం (Aquarius)
శని మీద బుధుడి దృష్టి పడటం వల్ల ఆదాయం విపరీతంగా పెరుగుతుంది. షేర్లు, స్పెక్యులేషన్లు మంచి లాభాలు ఇస్తాయి. రావలసిన సొమ్ము వసూలవుతుంది. ఉద్యోగంలో జీతం పెరుగుతుంది. వృత్తి, వ్యాపారాల్లో ఆలోచనలు లాభం తెస్తాయి. ఆరోగ్య సమస్యలు తగ్గుతాయి. ఏలిన్నాటి శని ప్రభావం తగ్గిపోతుంది.
శని-బుధుల ఈ అనుగ్రహ దృష్టి వల్ల ఆరు రాశుల వారికి కొత్త అవకాశాలు, ఆర్థిక లాభాలు, వ్యక్తిగత జీవితంలో శుభ పరిణామాలు కలుగుతాయి.
ఇవీ చదవండి: Money Astrology: పునర్వసు నక్షత్రంలో గురు సంచారం.. ఈ రాశుల వారికి లాభాల వర్షం!
Weekly Horoscope : ఈవారం ఈ రాశివారికి మామూలుగా ఉండదు!