Google Pixel 8a: గూగుల్ పిక్సెల్ 8ఏ ఎప్పుడు మార్కెట్లోకి వస్తుందన్నది అందరికీ ఆసక్తికరంగా మారింది. ఈ స్మార్ట్ ఫోన్లో ఫీచర్ల గురించి నెట్లో ఆసక్తికరంగా వెతుకుతున్న వారి సంఖ్య పెరుగుతోంది. స్పెసిఫికేషన్లు, రిలీజ్ డీటెయిల్స్ కోసం ఆన్లైన్లో తాజాగా కొన్ని లీక్స్ వెలుగు చూశాయి. ఈ గ్యాడ్జెట్ డిస్ప్లే, కెమెరా సముదాయం, బ్యాటరీ సామర్థ్యం, రిలీజ్ సమయం గురించి లీక్స్ కొన్ని వచ్చాయి.
ఫీచర్స్ ఎలా ఉన్నాయంటే..
గూగుల్ పిక్సెల్ 8ఏలో 6.1 ఇంచ్ ఫుల్ హెచ్డీ ప్లస్ ఓఎల్ఈడీ డిస్ప్లే ఉంటుందని తెలుస్తోంది. 120 హెర్ట్జ్ రిఫ్రెష్ రేట్ కూడా అందుబాటులోకి తెస్తున్నారట. ఈ స్మార్ట్ఫోన్.. పిక్సెల్ 8 సిరీస్లో కనిపించే టెన్సార్ జీ3 చిప్సెట్ మాదిరిగా ఉంటాయని ప్రచారంలో ఉంది. ఇక 128 జీబీ, 256 జీబీ స్టోరేజ్లలో రెండు వేరియంట్లు అందుబాటులోకి రానున్నాయని తెలుస్తోంది. ఆండ్రాయిడ్ 14 ఆపరేటింగ్ సిస్టంపై ఈ స్మార్ట్ ఫోన్ పని చేస్తుందట.
కెమెరాల పనితనం వరకు చూస్తే.. ఇందులో ఓఐఎస్తో కూడిన 64 మెగాపిక్సెల్ ప్రైమరీ కెమెరాతో పాటు 13 మెగాపిక్సెల్ అల్ట్రా-వైడ్ కెమెరా, సెల్ఫీ- వీడియో కాల్స్ కోసం 13 మెగాపిక్సెల్ ఫ్రెంట్ కెమెరా ఉండే అవకాశం ఉందని ప్రచారం జరుగుతోంది. పిక్సెల్ 8ఏ స్మార్ట్ఫోన్లో 27వాట్ ఫాస్ట్ ఛార్జింగ్ సపోర్ట్తో 4,500 ఎంఏహెచ్ బ్యాటరీతో వస్తోందని ప్రచారం ఉంది.
ఈ స్మార్ట్ ఫోన్ విడుదల తేదీపై (Google Pixel 8a launch date in India) అందరూ ఆసక్తిగా ఎదురు చూస్తున్నారు. పిక్సెల్ 8ఏ స్మార్ట్ఫోన్.. మే 14న గూగుల్ ఐ/ఓ 2024 ఈవెంట్లో రిలీజ్ అవుతుందని బాగా ప్రచారంలో ఉంది. ఇక ఈ స్మార్ట్ ఫోన్ కాస్ట్ విషయానికి వస్తే.. ఇది ఇండియాలో సుమారు రూ .41,635 వరకు ఉంటుందని ప్రచారం జరుగుతోంది.
మునుపటి వర్షెన్ పిక్సెల్ 7ఏ కంటే గూగుల్ పిక్సెల్ 8ఏలో అప్గ్రేడ్లను బాగా చేశారని ప్రచారం జరుగుతోంది. డిస్ప్లే పీక్ బ్రైట్నెస్ 1400 నిట్స్, హెచ్డీఆర్ సపోర్ట్- టెన్సర్ జీ3 చిప్సెట్తో కనెక్ట్ చేసి ఉంటారని ప్రచారంలో ఉంది. మాలీ-జీ 715 జీపీయూ గణనీయమైన మెరుగుదలను చూపిస్తోందని టెక్ దిగ్గజాలు చెబుతున్నారు. డిజైన్ పరంగా చూసినా వైజర్ లాంటి కెమెరా స్ట్రిప్, కర్వ్డ్ అంచులు ఉంటాయట. స్మార్ట్ఫోన్ మార్కెట్లో గూగుల్ తదుపరి ఆఫర్ ఏమిటనే దానిపై వస్తున్న లీకులు, ప్రచారం.. అందరి దృష్టిని ఆకర్షిస్తున్నాయి.
ఇవీ చదవండి: Mobile Phone: స్మార్ట్ ఫోన్ వినియోగదారులు సగటున రోజుకు 80 సార్లు చెక్ చేస్తున్నారట!!
5G Smartphone: రూ.15,000 లోపు బెస్ట్ 5జీ స్మార్ట్ ఫోన్లు ఇవే..
Google Pay: మీ ఫోన్ పోయిందా? పేటీఎం, గూగుల్ పే, ఫోన్ పే ఎలా వాడాలంటే..!