Supreme Court of India: మతమార్పిడి అనంతరం ఎస్సీ హక్కులు, అలాగే అట్రాసిటీ నిరోధక చట్టం వర్తింపుపై Supreme Court of India కీలక తీర్పు వెలువరించింది. క్రైస్తవ మతంలోకి మారిన వ్యక్తులు షెడ్యూల్డ్ కాస్ట్ హక్కులను పొందలేరని స్పష్టం చేస్తూ, ఈ అంశంపై Andhra Pradesh High Court ఇచ్చిన తీర్పును సుప్రీంకోర్టు సమర్థించింది.
ఈ కేసులో బాపట్ల జిల్లాలోని పిట్టలవానిపాలెం గ్రామానికి చెందిన పాస్టర్ చింతాడ ఆనంద్ దాఖలు చేసిన పిటిషన్పై విచారణ జరిగింది. స్థానికంగా చర్చి నిర్వహణపై గ్రామస్తులు అభ్యంతరం వ్యక్తం చేయగా, వారిపై ఆనంద్ అట్రాసిటీ నిరోధక చట్టం కింద కేసు నమోదు చేశారు. అయితే ఆ కేసును రద్దు చేయాలని అక్కల రామిరెడ్డి సహా గ్రామస్తులు హైకోర్టును ఆశ్రయించారు.
విచారణ సమయంలో రామిరెడ్డి తరఫు న్యాయవాదులు కీలక వాదనలు వినిపించారు. చింతాడ ఆనంద్ క్రైస్తవ మతంలోకి మారి పాస్టర్గా పనిచేస్తున్నారని, రాజ్యాంగం ప్రకారం క్రైస్తవ మతానికి చెందినవారికి షెడ్యూల్డ్ కాస్ట్ హక్కులు వర్తించవని వారు పేర్కొన్నారు. దీంతో అట్రాసిటీ చట్టం కింద నమోదు చేసిన కేసు చట్టపరంగా నిలబడదని వాదించారు.
ఈ వాదనలను పరిగణనలోకి తీసుకున్న హైకోర్టు, క్రైస్తవ మతంలో కుల వ్యవస్థ ఉండదని పేర్కొంటూ కీలక తీర్పు ఇచ్చింది. హిందూ, సిక్కు, బౌద్ధ మతాలకు చెందిన వారికే ఎస్సీ హక్కులు వర్తిస్తాయని స్పష్టం చేసింది. ఈ తీర్పును సవాల్ చేస్తూ ఆనంద్ సుప్రీంకోర్టును ఆశ్రయించారు.
ఈ పిటిషన్పై జస్టిస్ Justice P. K. Mishra మరియు జస్టిస్ Justice Manmohan Anjariaలతో కూడిన ధర్మాసనం విచారణ చేపట్టింది. వాదనలు పరిశీలించిన అనంతరం, హైకోర్టు ఇచ్చిన తీర్పును సమర్థిస్తూ తుది ఉత్తర్వులు జారీ చేసింది.
సుప్రీంకోర్టు స్పష్టం చేసిన మేరకు హిందూ, సిక్కు, బౌద్ధ మతాలకు చెందినవారికే ఎస్సీ హోదా వర్తిస్తుంది. ఒక వ్యక్తి క్రైస్తవ మతంలోకి మారితే ఆయనకు ఎస్సీ హోదా ఆధారంగా లభించే రక్షణలు వర్తించవని కోర్టు పేర్కొంది. అట్రాసిటీ చట్టం కింద కూడా అలాంటి రక్షణలను పొందలేరని స్పష్టం చేసింది.
కోర్టు మరో అంశాన్ని కూడా ప్రస్తావించింది. మతం మారినప్పటికీ కుల సర్టిఫికెట్ వెంటనే రద్దు కాకపోవచ్చు. అయితే సర్టిఫికెట్ ఉన్నంత మాత్రాన అట్రాసిటీ చట్టం కింద రక్షణ పొందలేమని పేర్కొంది. పాస్టర్ ఆనంద్ దశాబ్దానికి పైగా క్రైస్తవ మతాన్ని అనుసరిస్తున్నారని, తిరిగి ఇతర మతంలోకి మారిన ఆధారాలు లేవని ధర్మాసనం తెలిపింది.
ఈ తీర్పు మతమార్పిడి, కులహక్కులు, రిజర్వేషన్ల అంశాలపై దేశవ్యాప్తంగా చర్చకు దారితీసే అవకాశముందని న్యాయ నిపుణులు అభిప్రాయపడుతున్నారు.
ఇవీ చదవండి: Supreme court : మైనర్ బాలికకు గర్భస్రావానికి అనుమతి: స్త్రీ స్వయంప్రతిపత్తిని అత్యున్నతంగా గుర్తించిన సుప్రీంకోర్టు
Supreme court on Tirumala Laddu: సీఎం చంద్రబాబుపై సుప్రీంకోర్టు ఆగ్రహం
Supreme Court: పార్టీల వాగ్దానాలు నమ్మితే ఎవరేం చేస్తారు?: సుప్రీం కోర్టు ప్రశ్న
Supreme Court: వివాహేతర బంధం నిర్ధారణకు కాల్ రికార్డులు తీసుకోవచ్చా? సుప్రీంకోర్టు ఏమందంటే..
