Sivakarthikeyan: సినిమాల్లో మాత్రమే కాదు, నిజజీవితంలో కూడా హీరోలుగా నిలిచే నటులు కొందరు ఉంటారు. అలాంటి వారిలో తమిళ స్టార్ హీరో శివకార్తికేయన్ ఒకరు. ఆయన చేసిన ఓ మంచి పని చాలా సంవత్సరాల తర్వాత ఇప్పుడు బయటకు రావడంతో సోషల్ మీడియాలో వైరల్ అవుతోంది.
తమిళంలో విడుదలైన ‘హీరో’ సినిమాలో నటుడు ప్రేమ్ కుమార్ కూడా కీలక పాత్రలో నటించారు. అదే సినిమా షూటింగ్ సమయంలో ప్రేమ్ కుమార్ కుటుంబంలో ఒక పెద్ద సమస్య వచ్చింది. తన కుమారుడి చదువు కోసం నెదర్లాండ్స్కు పంపాల్సిన పరిస్థితి ఏర్పడింది. అయితే ఆ సమయంలో తన వద్ద సరిపడా డబ్బులు లేక తీవ్ర ఇబ్బందులు ఎదుర్కొన్నట్లు ప్రేమ్ కుమార్ ఇటీవల వెల్లడించారు.
చేతిలో డబ్బులు లేక ఇబ్బంది
ప్రేమ్ కుమార్ చెప్పిన వివరాల ప్రకారం.. తన కొడుకును విదేశాలకు చదువు కోసం పంపించేందుకు పెద్ద మొత్తంలో డబ్బులు అవసరమయ్యాయి. అప్పు కోసం బ్యాంకులను సంప్రదించినా, అప్పటికే తన ఇల్లు ఈఎంఐలో ఉండటంతో బ్యాంకులు లోన్ ఇవ్వడానికి నిరాకరించాయి. ఈ సమయంలో తన పరిస్థితిని శివకార్తికేయన్కు చెప్పగా ఆయన వెంటనే స్పందించారని ప్రేమ్ తెలిపారు. ఎక్కువగా పరిచయం కూడా లేని సమయంలోనే ఆయన చేసిన సహాయం తన జీవితాన్ని మార్చిందని చెప్పారు.
రూ.50 లక్షలకు పూచీకత్తు
ప్రేమ్ కుమార్ మాట్లాడుతూ.. శివకార్తికేయన్ తనపై నమ్మకం ఉంచి బ్యాంకులో తన పేరిట పూచీకత్తుగా రూ.50 లక్షలు పొందేలా సహాయం చేశారని వెల్లడించారు. ఆ సాయం వల్ల తన కుమారుడు విదేశాల్లో చదువు పూర్తి చేయగలిగాడని చెప్పారు.
ఇప్పుడు తన కొడుకు మంచి ఉద్యోగంలో స్థిరపడి నెలకు రూ.4 నుంచి 5 లక్షల వరకు సంపాదిస్తున్నాడని ప్రేమ్ ఆనందం వ్యక్తం చేశారు. తన కుటుంబం ఇలా స్థిరపడటానికి శివకార్తికేయన్ చేసిన సాయం కీలక కారణమని చెప్పారు.
కేవలం ఒక సినిమా పరిచయం
ప్రేమ్ కుమార్, శివకార్తికేయన్ ఇద్దరూ కలిసి కేవలం ఒకే సినిమాలో పని చేశారు. పరిచయం కూడా చాలా కాలం క్రితం కాదు. అయినప్పటికీ తన పరిస్థితిని అర్థం చేసుకుని అంత పెద్ద సహాయం చేయడం నిజంగా గొప్ప విషయమని ప్రేమ్ కుమార్ పేర్కొన్నారు.
శివకార్తికేయన్ ప్రస్తుతం బిజీ
ఇదిలా ఉండగా శివకార్తికేయన్ ప్రస్తుతం హీరోగా, నిర్మాతగా బిజీగా ఉన్నారు. ఆయన నటిస్తున్న తాజా చిత్రం ‘సెయాన్’ ఈ ఏడాది ద్వితీయార్థంలో ప్రేక్షకుల ముందుకు రానుంది. మరోవైపు ఇటీవల నిర్మాతగా తీసిన ‘తాయ్ కిళవి’ సినిమాతో కూడా మంచి విజయాన్ని అందుకున్నారు. ప్రేమ్ కుమార్ వెల్లడించిన ఈ ఘటన ఇప్పుడు సోషల్ మీడియాలో వైరల్ అవుతోంది. నిజజీవితంలో కూడా హీరోలాగా వ్యవహరించిన శివకార్తికేయన్పై అభిమానులు ప్రశంసలు కురిపిస్తున్నారు.
ఇవీ చదవండి: Bad Boy Karthik Trailer: నాగశౌర్య ‘బ్యాడ్బాయ్ కార్తీక్’ ట్రైలర్ రిలీజ్.. ఫుల్ యాక్షన్తో రెడీ అయిన పొలిటికల్ డ్రామా
Suriya Vijay: సూర్య ‘కరుప్పు’ కథ ముందుగా విజయ్కు వెళ్లిందా? దర్శకుడి ఆసక్తికర వ్యాఖ్యలు
Suriya: సూర్య అభిమానులకు గుడ్ న్యూస్.. కొత్త మూవీ అప్ డేట్.. టీజర్ డేట్ ఫిక్స్
