Made in Korea: ప్రస్తుతం బాలీవుడ్ మూవీ ధురంధర్ 2 బాక్సాఫీస్ వద్ద దుమ్మురేపుతోంది. ఉగాది కానుకగా విడుదలైన ఈ సినిమా మొదటి షో నుంచే బ్లాక్బస్టర్ టాక్ సొంతం చేసుకుంది. సుమారు నాలుగు గంటల నిడివి ఉన్నప్పటికీ ఇంటెన్స్ డ్రామాతో ప్రేక్షకులను విపరీతంగా ఆకట్టుకుంటోంది. ఇప్పటికే ఈ సినిమా ప్రపంచవ్యాప్తంగా రూ.1000 కోట్ల మార్క్ను దాటేసి రికార్డులు సృష్టిస్తోంది. హిందీతో పాటు తెలుగు సహా ఇతర భాషల్లోనూ ఈ సినిమాకు భారీ కలెక్షన్లు వస్తున్నాయి.
ఓటీటీలో సెన్సేషన్గా ‘మేడ్ ఇన్ కొరియా’
ఇదే సమయంలో ఓ చిన్న సినిమా మాత్రం ఓటీటీలో సెన్సేషన్ సృష్టిస్తోంది. యంగ్ బ్యూటీ ప్రియాంక మోహన్ నటించిన ‘మేడ్ ఇన్ కొరియా’ మూవీ ఎలాంటి అంచనాలు లేకుండా నేరుగా ఓటీటీలో విడుదలై మంచి స్పందన అందుకుంది. మార్చి 12న ఈ సినిమా ప్రముఖ ఓటీటీ ప్లాట్ఫామ్ నెట్ఫ్లిక్స్లో స్ట్రీమింగ్కు వచ్చింది.
టాప్ ట్రెండింగ్లో కొనసాగుతున్న చిన్న సినిమా
ఓటీటీలోకి వచ్చిన మొదటి వారంలోనే ‘మేడ్ ఇన్ కొరియా’ సినిమా నెట్ఫ్లిక్స్ ట్రెండింగ్ లిస్ట్లో నంబర్ వన్ స్థానాన్ని దక్కించుకుంది. ఆశ్చర్యకరంగా రెండు వారాలు పూర్తయ్యాక కూడా ఈ సినిమాకు క్రేజ్ ఏమాత్రం తగ్గలేదు. నెట్ఫ్లిక్స్ నాన్-ఇంగ్లీష్ కేటగిరీలో ‘ధురంధర్ 2’ చిత్రాన్ని వెనక్కి నెట్టి మొదటి స్థానంలో కొనసాగుతోంది.
డైరెక్టర్ కార్తీక్ ఆనందం
ఈ విషయాన్ని దర్శకుడు కార్తీక్ స్వయంగా సోషల్ మీడియాలో పంచుకుంటూ ఆనందం వ్యక్తం చేశారు. చిన్న సినిమాగా వచ్చిన ‘మేడ్ ఇన్ కొరియా’కు ప్రేక్షకులు ఇంత పెద్ద స్థాయిలో ఆదరణ చూపడం తమకు ఎంతో సంతోషాన్ని కలిగించిందని తెలిపారు.
ఇవీ చదవండి: Made In Korea OTT Movie: ప్రపంచవ్యాప్తంగా ట్రెండింగ్లో ప్రియాంక మోహన్ సినిమా
Made in Korea: ఓటీటీలో దూసుకెళ్తున్న ‘మేడ్ ఇన్ కొరియా’.. ప్రియాంక మోహన్ నటనకు ప్రశంసలు
OTT Movies: ఈ వీకెండ్ రిలీజ్లు ఇవే.. థియేటర్లలో ‘బ్యాండ్ మేళం’, ‘సుయోధన’, ఓటీటీలో 11 సినిమాలు స్ట్రీమింగ్
