Kim Ju Ae: అమెరికా మరియు దక్షిణ కొరియా నిర్వహిస్తున్న సంయుక్త సైనిక విన్యాసాలకు ప్రతిస్పందనగా ఉత్తర కొరియా తమ యుద్ధ సన్నాహాలను మరింత వేగవంతం చేసింది. ఈ నేపథ్యంలో ఉత్తర కొరియా సైన్యం భారీ స్థాయిలో ట్యాంక్ యూనిట్‌లు, కాలినడక దళాలతో కలిసి లైవ్ ఫైరింగ్ డ్రిల్స్ నిర్వహించింది. ఈ శిక్షణను దేశాధినేత Kim Jong Un స్వయంగా పర్యవేక్షించడం విశేషంగా మారింది.
సైనిక విన్యాసాల్లో కిమ్ కుమార్తె పాల్గొనడం
ఈ సైనిక విన్యాసాల్లో మరో ముఖ్యమైన అంశం ఏమిటంటే, కిమ్ జోంగ్ ఉన్ తన కుమార్తె Kim Ju Aeను కూడా వెంట తీసుకువెళ్లడం. ఆమె కేవలం వీక్షకురాలిగానే కాకుండా ట్యాంక్‌పై స్వారీ చేస్తూ కనిపించడం ప్రపంచవ్యాప్తంగా చర్చకు దారితీసింది. దీనికి సంబంధించిన చిత్రాలు విడుదల కావడంతో అంతర్జాతీయ మీడియా ప్రత్యేకంగా దృష్టి సారించింది.
వరుసగా అధికారిక కార్యక్రమాల్లో జు-యే
సుమారు 13 ఏళ్ల వయస్సున్న కిమ్ జు-యే గత రెండు సంవత్సరాలుగా అనేక కీలక కార్యక్రమాల్లో కనిపిస్తోంది. క్షిపణి పరీక్షలు, మిలిటరీ పరేడ్‌లు, రక్షణ రంగ కార్యక్రమాల్లో ఆమె తరచూ తన తండ్రితో కలిసి పాల్గొంటోంది. దీంతో ఆమెకు ఉత్తర కొరియా అధికార వర్గాల్లో ప్రత్యేక ప్రాధాన్యం పెరుగుతోందనే అభిప్రాయం వ్యక్తమవుతోంది.
వారసురాలిగా జు-యేనా..?
దక్షిణ కొరియా నిఘా సంస్థలు మరియు అంతర్జాతీయ విశ్లేషకులు కిమ్ జోంగ్ ఉన్ తన వారసురాలిగా జు-యేను సిద్ధం చేస్తున్నారనే అనుమానాన్ని వ్యక్తం చేస్తున్నారు. అధికారిక ప్రకటన ఇప్పటివరకు లేకపోయినా, ఆమెకు లభిస్తున్న ప్రాధాన్యం చూస్తుంటే భవిష్యత్తులో ఉత్తర కొరియా నాయకత్వం ఆమె చేతుల్లోకి వెళ్లే అవకాశం ఉందని వారు భావిస్తున్నారు.
నిపుణుల విభిన్న అభిప్రాయాలు
అయితే కొంతమంది నిపుణులు ఈ అంచనాలపై సందేహం వ్యక్తం చేస్తున్నారు. కిమ్ జోంగ్ ఉన్ ఇంకా యువకుడే కావడం, అలాగే ఉత్తర కొరియా రాజకీయ వ్యవస్థలో పురుషాధిక్యం ఎక్కువగా ఉండటం వంటి అంశాలను వారు ప్రస్తావిస్తున్నారు. ఇలాంటి పరిస్థితుల్లో మహిళా వారసురాలిని ముందుకు తీసుకురావడం సులభం కాకపోవచ్చని వారి అభిప్రాయం.
Read also: Kim Jong-un: ఉత్తర కొరియా పార్లమెంట్ ఎన్నికల్లో కిమ్ జాంగ్ ఉన్‌కు 99.93% ఓట్లు.. మరోసారి ఏకపక్ష విజయం
Kim Sharma: ఖడ్గం సినిమాతో మెరిసిన కిమ్ శర్మ… ఇప్పుడు ఎలా ఉంది ఈ బాలీవుడ్ బ్యూటీ?
Kim Jong Un: ఉత్తర కొరియా వారసత్వంపై సెన్సేషన్.. కిమ్ జోంగ్ ఉన్ తర్వాత జూ యేనేనా?
