Jr. NTR: మ్యాన్ ఆఫ్ మాసెస్ Jr. NTR నటిస్తున్న కొత్త సినిమాపై అభిమానుల్లో భారీ అంచనాలు నెలకొన్నాయి. ముఖ్యంగా Prashanth Neel దర్శకత్వంలో తెరకెక్కుతున్న సినిమా కోసం ఫ్యాన్స్ ఆసక్తిగా ఎదురుచూస్తున్నారు. ఈ నేపథ్యంలో తారక్ లుక్, ఫిట్‌నెస్ ట్రాన్స్‌ఫర్మేషన్ గురించి పలు వార్తలు వైరల్ అవుతున్నాయి.
1. ‘దేవర’ తర్వాత భారీ అంచనాలు
ఎన్టీఆర్ నటించిన Devara మంచి విజయాన్ని సాధించింది. అయితే ఆ తర్వాత విడుదలైన War 2 ప్రేక్షకులను పెద్దగా ఆకట్టుకోలేకపోయిందని సినీ వర్గాల్లో చర్చ జరుగుతోంది. దీంతో అభిమానుల ఆశలన్నీ ఇప్పుడు తారక్ నెక్స్ట్ ప్రాజెక్ట్‌పైనే ఉన్నాయి.
2. ప్రశాంత్ నీల్‌తో మాస్ ప్రాజెక్ట్
‘కేజీఎఫ్’, Salaar వంటి భారీ హిట్స్ ఇచ్చిన దర్శకుడు ప్రశాంత్ నీల్ ఇప్పుడు ఎన్టీఆర్‌తో సినిమా చేస్తుండటంతో ఈ ప్రాజెక్ట్‌పై భారీ హైప్ ఏర్పడింది.
3. రగ్గడ్ లుక్‌లో తారక్
ఈ సినిమాలో తారక్ గుబురు గడ్డంతో రగ్గడ్ లుక్‌లో కనిపించనున్నట్లు సమాచారం. పాత్రకు తగ్గట్టు పూర్తిగా మారిపోయే తారక్ మరోసారి కొత్త అవతారంలో కనిపించబోతున్నారని ఫ్యాన్స్ మాట్లాడుకుంటున్నారు.
4. 7 వారాల్లో 10 కిలోలు తగ్గినట్లు టాక్
సినిమా కోసం ఎన్టీఆర్ కఠినమైన ఫిట్‌నెస్ ట్రైనింగ్ చేస్తున్నారని సమాచారం. రోజూ దాదాపు గంటన్నర పాటు వ్యాయామం చేస్తూ ప్రత్యేక డైట్ ఫాలో అవుతూ ఏడు వారాల్లో సుమారు 10 కిలోల బరువు తగ్గారనే వార్తలు వినిపిస్తున్నాయి.
5. డ్యూయల్ రోల్ ఊహాగానాలు
తాజాగా తారక్ లీన్ లుక్‌లో కనిపించడంతో ఈ సినిమాలో ఆయన డ్యూయల్ రోల్‌లో కనిపించవచ్చని సోషల్ మీడియాలో చర్చ జరుగుతోంది. అయితే దీనిపై అధికారిక ప్రకటన ఇంకా రావాల్సి ఉంది. ఈ సినిమాలో Rukmini Vasanth హీరోయిన్‌గా నటిస్తోంది.
ప్రస్తుతం షూటింగ్ నిశ్శబ్దంగా కొనసాగుతున్నట్లు తెలుస్తోంది. త్వరలోనే ఈ సినిమా నుంచి క్రేజీ అప్డేట్స్ వచ్చే అవకాశముందని అభిమానులు ఆసక్తిగా ఎదురుచూస్తున్నారు.
ఇవీ చదవండి: Jr NTR Speech: మాటల్లో మెసేజ్‌.. స్పీచ్‌లతో నెట్టింట ట్రెండ్‌గా జూనియర్ ఎన్టీఆర్
Jr NTR: బెంగళూరులో ఎన్టీఆర్ క్రేజ్.. ‘సింహాద్రి’ సీన్‌లా ఫ్యాన్స్ జాతర.. CM.. CM అంటూ అభిమానుల నినాదాలు.. వీడియో వైరల్
Jr NTR: చిన్న మూవీ కోసం రంగంలోకి ఎన్టీఆర్.. హిట్ గ్యారెంటీనా?
