AP New Districts: ఆంధ్రప్రదేశ్‌లో జిల్లాల పునర్వ్యవస్థీకరణ మరో దశకి చేరింది. రాష్ట్రంలో మరో మూడు కొత్త జిల్లాలు ఏర్పాటు చేయడానికి ముఖ్యమంత్రి చంద్రబాబు ఆమోదం తెలిపారు. మంత్రుల కమిటీ సమర్పించిన నివేదికను సమీక్షించిన తర్వాత, ప్రభుత్వం మార్కాపురం, మదనపల్లె, రంపచోడవరం కేంద్రంగా పోలవరం జిల్లా ఏర్పాటు చేయాలని నిర్ణయించింది.
అంతేకాదు, కొత్త జిల్లాల ఏర్పాటు తో పాటు రాష్ట్రవ్యాప్తంగా అయిదు కొత్త రెవెన్యూ డివిజన్లను కూడా సృష్టించడానికి సీఎం గ్రీన్ సిగ్నల్ ఇచ్చారు. పరిపాలనా సౌలభ్యం, ప్రజలకు దగ్గరగా సేవలు అందించడం ఈ నిర్ణయాల ప్రధాన ఉద్దేశ్యమని అధికారిక వర్గాలు చెబుతున్నాయి.
వివాదాలు & విమర్శలు — నిజంగా రాజకీయ ప్రయోజనమా?
ఈ నిర్ణయంతో రాజకీయ వర్గాల్లో చర్చలకు ఊపు వచ్చింది. విమర్శకుల అభిప్రాయం ఇలా ఉంది:
2014లో 13 జిల్లాలతో ఏర్పడిన ఆంధ్రప్రదేశ్‌ను 2019లో అధికారంలోకి వచ్చిన వైసీపీ ప్రభుత్వం 26 జిల్లాలుగా విభజించింది. అప్పుడు “ప్రతి పార్లమెంట్ నియోజకవర్గానికి ఒక జిల్లా” అన్న సూత్రంతో పరిపాలనా సామర్థ్యం పెరుగుతుందని వైసీపీ తెలిపింది. ఇప్పుడు చంద్రబాబు ప్రభుత్వం కొత్తగా మరో మూడు జిల్లాలు ఏర్పాటు చేయడాన్ని విమర్శకులు రాజకీయ పబ్లిసిటీ స్టంట్గా అభివర్ణిస్తున్నారు.
“2014–2019 మధ్య చంద్రబాబు ప్రభుత్వం ఒక్క జిల్లా కూడా పెంచలేదు. కానీ ఇప్పుడు జగన్ సృష్టించిన 26 జిల్లాల నిర్మాణాన్ని మార్చే దిశగా అడుగులు వేస్తున్నారు” అని విశ్లేషకులు పేర్కొంటున్నారు.
కొంతమంది రాజకీయ పరిశీలకుల మాటలో—
“జగన్ మార్క్ జిల్లాల నిర్మాణాన్ని తుడిచే ప్రయత్నమే ఇది. కొత్త జిల్లాల పేరుతో పాత స్ట్రక్చర్‌ను మళ్లీ మార్చాలనే రాజకీయ సంకేతం కనిపిస్తోంది.”
అధికార వర్గాల వాదన
ప్రభుత్వం మాత్రం ఈ ఆరోపణలను ఖండిస్తూ:
ప్రజలకు దగ్గరగా పరిపాలన
అభివృద్ధి వేగవంతం
విభాగాల మెరుగైన నిర్వహణ
ఇవే లక్ష్యాలుగా కొత్త జిల్లాలను ఏర్పాటు చేస్తున్నట్లు చెబుతోంది.
ఇవీ చదవండి: Jamili Elections: 2026లోనే కొత్త నియోజకవర్గాలు.. 2027లో జమిలి?
SPs Transfer : ఏపీలో 14 జిల్లాలకు కొత్త ఎస్పీలు.. 7 జిల్లాలకు కొత్తవారు, 7 బదిలీలు
