Anna Reshma Rajan: ఇటీవల సోషల్ మీడియాలో, ముఖ్యంగా ఇన్‌స్టాగ్రామ్‌లో సబ్‌స్క్రిప్షన్ ఫీచర్ గురించి పెద్ద చర్చ జరుగుతోంది. చాలామంది సెలబ్రిటీలు తమ అభిమానులతో మరింత దగ్గరగా ఉండేందుకు ఈ ఫీచర్‌ను ఉపయోగిస్తున్నారు. అయితే కొంతమంది మాత్రం సబ్‌స్క్రిప్షన్ అంటే అక్కడ ప్రత్యేకంగా బూతు లేదా అశ్లీల కంటెంట్ ఉంటుందని భావిస్తున్నారు. ఈ నేపథ్యంలో మలయాళ నటి అన్నా రేష్మ రాజన్ తాజాగా క్లారిటీ ఇచ్చింది.
సోషల్ మీడియాలో పోస్ట్ చేసిన సందేశంలో, తన ఇన్‌స్టాగ్రామ్ అకౌంట్‌లో సబ్‌స్క్రిప్షన్ మోడల్‌ను రెండేళ్ల క్రితమే ప్రారంభించానని తెలిపింది. ఈ ఫీచర్ ద్వారా అభిమానులతో మరింత దగ్గరగా ఉండే అవకాశం లభిస్తుందని పేర్కొంది.
సబ్‌స్క్రిప్షన్ అంటే బూతు కంటెంట్ కాదు
తన పోస్ట్‌లో అన్నా రేష్మ రాజన్ స్పష్టంగా చెప్పింది. సబ్‌స్క్రిప్షన్ తీసుకున్న వారికి తన రీల్స్, ఫోటోలు ముందుగానే చూడే అవకాశం ఉంటుందని తెలిపింది. అలాగే అభిమానులతో కాస్త ఎక్కువగా కనెక్ట్ అయ్యే అవకాశం కూడా ఉంటుందని చెప్పింది.
అయితే సబ్‌స్క్రిప్షన్ అంటే అక్కడ బూతు కంటెంట్ ఉంటుందని ఊహించకూడదని ఆమె కోరింది. తన అకౌంట్‌లో కేవలం క్వాలిటీ కంటెంట్, సృజనాత్మక పోస్టులు మరియు గౌరవప్రదమైన సంభాషణలు మాత్రమే ఉంటాయని స్పష్టం చేసింది.
“దయచేసి తప్పుగా అర్థం చేసుకొని సబ్‌స్క్రైబ్ అవ్వకండి. నా పేజీలో కేవలం వృత్తిపరమైన విషయాలు మాత్రమే ఉంటాయి” అని ఆమె తన సందేశంలో పేర్కొంది.
అభిమానుల ప్రశంసలు.. నెటిజన్ల సెటైర్లు
అన్నా రేష్మ రాజన్ చేసిన ఈ పోస్ట్‌కు సోషల్ మీడియాలో మిశ్రమ స్పందన వస్తోంది. కొందరు అభిమానులు ఆమె తీసుకున్న నిర్ణయాన్ని మెచ్చుకుంటూ మంచి పని చేశావని ప్రశంసిస్తున్నారు.
అయితే కొందరు నెటిజన్లు మాత్రం సెటైర్లు వేస్తున్నారు. “రీల్స్, ఫోటోలు ముందుగా చూడటానికి మాత్రమే సబ్‌స్క్రిప్షన్ ఎందుకు?” అంటూ కామెంట్లు చేస్తున్నారు.
‘అంగమలి డైరీస్’తో ఎంట్రీ
నటి అన్నా రేష్మ రాజన్ 2017లో విడుదలైన ‘అంగమలి డైరీస్’ సినిమాతో మలయాళ సినీ పరిశ్రమలోకి అడుగు పెట్టింది. ఆ సినిమా మంచి విజయాన్ని సాధించడంతో ఆమెకు మంచి గుర్తింపు వచ్చింది.
తర్వాత ‘అయ్యప్పనుమ్ కోషియుమ్’ సినిమాలో నటుడు పృథ్వీరాజ్ భార్య పాత్రలో నటించి మరింత పాపులారిటీ సంపాదించింది. మలయాళంలో పలు సినిమాలు చేసిన ఆమె ప్రస్తుతం ‘జైలర్ 2’ సినిమాలో నటిస్తోంది. తమిళంలో ఆమెకు ఇదే తొలి చిత్రం కావడం విశేషం.
Read also: Actor Soori: నటుడు సూరి కెరీర్ జోరు.. వరుస సినిమాలతో బిజీ.. హీరోయిన్‌గా మమిత బైజు?
Tollywood Movies: తెలంగాణలో సినిమా టికెట్ రేట్ల పెంపుపై సుప్రీంకోర్టు స్టే
Actor Divi: జబర్దస్త్ యాంకర్ ఛాన్స్ మిస్ చేసుకున్న దివి.. ఇప్పుడు ఎమోషనల్ కామెంట్స్!
