Allu Sirish: టాలీవుడ్ యువ హీరో Allu Sirish ఇటీవల వివాహ బంధంలోకి అడుగుపెట్టిన సంగతి తెలిసిందే. మార్చి 6న తన ప్రియురాలు నయనికతో వివాహం చేసుకుని కొత్త జీవితాన్ని ప్రారంభించాడు. ఈ నేపథ్యంలో తాజాగా ఓ జాతీయ మీడియాకు ఇచ్చిన ఇంటర్వ్యూలో తన ప్రేమ కథతో పాటు కుటుంబ జీవితం గురించి ఆసక్తికర విషయాలు వెల్లడించాడు.
ప్రేమ విషయం ముందుగా తెలిసింది అత్తయ్యకే
శిరీష్ తెలిపిన వివరాల ప్రకారం, తాను నయనికతో ప్రేమలో ఉన్న విషయం మొదట కుటుంబ సభ్యులకు కాకుండా తన అత్తయ్యకు తెలిసిందట. ఒక రోజు ఇద్దరూ కలిసి కాఫీ తాగేందుకు బయటకు వెళ్లినప్పుడు అదే కాఫీ షాప్లో పరిచయస్తులు ఉండటం వల్ల విషయం బయటపడింది. వారు వెంటనే Surekha Konidelaకు ఫోన్ చేసి చెప్పడంతో వారి ప్రేమ విషయం కుటుంబానికి తెలిసిందని శిరీష్ వెల్లడించాడు.
తర్వాత తానే స్వయంగా నయనికపై ఉన్న ప్రేమను ఇంట్లో చెప్పానని, కుటుంబ సభ్యులు కూడా అంగీకరించడంతో ఇద్దరూ వివాహం చేసుకున్నామని ఆయన చెప్పారు.
నయనికలో నచ్చిన లక్షణం ఇదే
నయనిక గురించి మాట్లాడుతూ శిరీష్ ఆమె సెన్స్ ఆఫ్ హ్యూమర్ తనకు ఎంతో నచ్చుతుందని చెప్పాడు. ఏ విషయం అయినా సూటిగా చెప్పే స్వభావం ఆమెదని తెలిపాడు. తన సినిమాలు చూసినప్పుడు నచ్చిన విషయాలను కూడా నిజాయితీగా చెప్పేదని పేర్కొన్నాడు.
పిల్లల గురించి ముందే నిర్ణయం
పెళ్లికి ముందే భవిష్యత్తు గురించి ఇద్దరూ మాట్లాడుకున్నామని శిరీష్ వెల్లడించాడు. ముఖ్యంగా తమకు పుట్టబోయే పిల్లలు ఇంట్లో తప్పనిసరిగా తెలుగులోనే మాట్లాడేలా పెంచాలని తన కోరిక అని చెప్పాడు. ఈ విషయంపై ఇద్దరూ ముందే చర్చించి ఒక నిర్ణయానికి వచ్చామని వివరించాడు.
కుటుంబంతో కొత్త జీవితానికి శ్రీకారం
అల్లు కుటుంబంలో జరిగిన ఈ వివాహం అభిమానుల్లో కూడా ఆసక్తిని రేకెత్తించింది. శిరీష్ వ్యక్తిగత జీవితానికి సంబంధించిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. అభిమానులు కూడా ఈ జంటకు శుభాకాంక్షలు తెలియజేస్తున్నారు.
ఇవీ చదవండి: Allu Sirish: మెహందీ వేడుక ఫొటోలు షేర్ చేసిన అల్లు శిరీష్.. చేతిపై నైనిక పేరు టాటూ హైలైట్
Allu Sirish: అల్లు శిరీష్ ప్రీ వెడ్డింగ్ రిసెప్షన్లో సుమ కూతురు సందడి – మనస్విని ఫొటోలు వైరల్
Allu Cinemas: రేవంత్ రెడ్డి ఏ హీరో అభిమాని అంటే.. కోకాపేట అల్లు సినిమాస్ ఓపెనింగ్ సందర్భంగా చెప్పిన సీఎం