Shanmukh Jaswanth: కవర్ సాంగ్స్, షార్ట్ ఫిలిమ్స్, వెబ్ సిరీస్లతో యూత్లో మంచి గుర్తింపు తెచ్చుకున్న యూట్యూబ్ స్టార్ Shanmukh Jaswanth ఇప్పుడు తన పర్సనల్ లైఫ్తో మరోసారి హాట్ టాపిక్గా మారాడు. బుధవారం (ఫిబ్రవరి 25) తన ప్రేయసి వైష్ణవి చోడిశెట్టితో నిశ్చితార్థం చేసుకున్నట్లు ప్రకటిస్తూ పలు ఫొటోలు షేర్ చేశాడు. ఈ ఫొటోలు క్షణాల్లోనే సోషల్ మీడియాలో వైరల్ అయ్యాయి.
యూట్యూబ్ నుంచి యూత్ ఐకాన్ వరకూ
షణ్ముఖ్ జస్వంత్ కెరీర్ కవర్ సాంగ్స్, షార్ట్ వీడియోలతో మొదలైంది. తర్వాత ‘సాఫ్ట్వేర్ డెవలపర్’, ‘సూర్య’ వంటి వెబ్ సిరీస్లతో యూత్లో భారీ ఫాలోయింగ్ సంపాదించాడు. ఒకానొక దశలో తెలుగులో అత్యధిక సబ్స్క్రైబర్స్ కలిగిన యూట్యూబర్గా కూడా గుర్తింపు పొందాడు. అంతేకాదు, Bigg Boss Teluguలో పాల్గొని రన్నరప్గా నిలిచి మరింత పాపులారిటీ దక్కించుకున్నాడు.
బిగ్ బాస్లో వివాదం
బిగ్ బాస్ హౌస్లో Siri Hanmanthతో షణ్ముఖ్ ప్రవర్తించిన తీరు అప్పట్లో తీవ్ర చర్చకు దారి తీసింది. అదే సమయంలో బయట ప్రపంచంలో అతను Deepthi Sunainaతో ప్రేమలో ఉండటం కూడా తెలిసిందే. ఈ షో ముగిసిన కొద్ది రోజులకే దీప్తి, షణ్ముఖ్ ఇద్దరూ బ్రేకప్ చెప్పుకొని ఎవరి దారి వారు చూసుకున్నారు.
కొత్త ప్రేమ.. కొత్త జీవితం
దీప్తితో బ్రేకప్ తర్వాత కొంతకాలం సింగిల్గా ఉన్న షణ్ముఖ్, మళ్లీ ప్రేమలో పడ్డాడు. కొన్ని రోజుల క్రితం ఫేస్ రివీల్ చేయకుండా ఒక అమ్మాయిని పరిచయం చేసిన అతను, ఇప్పుడు ఏకంగా ఎంగేజ్మెంట్ చేసుకొని ఫ్యాన్స్కు సూపర్ సర్ప్రైజ్ ఇచ్చాడు.
తన కాబోయే భార్య పేరు వైష్ణవి చోడిశెట్టి అని మాత్రమే వెల్లడించాడు. ఆమె గురించి ఇతర వివరాలు మాత్రం ఇంకా బయటకు రాలేదు. దీంతో నెటిజన్లు “వాళ్ల పరిచయం ఎప్పుడు జరిగింది?”, “ఎలా ప్రేమలో పడ్డారు?” అంటూ ఆసక్తిగా చర్చిస్తున్నారు.
శుభాకాంక్షల వెల్లువ
ఎంగేజ్మెంట్ ఫొటోలు షేర్ చేసిన వెంటనే పలువురు సెలబ్రిటీలు, యూట్యూబ్ క్రియేటర్లు, అభిమానులు షణ్ముఖ్–వైష్ణవిలకు శుభాకాంక్షలు తెలుపుతున్నారు. “హ్యాపీ ఫర్ యూ షణ్ణూ”, “లైఫ్లో కొత్త చాప్టర్కు ఆల్ ది బెస్ట్” అంటూ కామెంట్లు పెడుతున్నారు.
మొత్తానికి, వివాదాలు, బ్రేకప్ల తర్వాత షణ్ముఖ్ జస్వంత్ జీవితంలో ఇప్పుడు కొత్త అధ్యాయం మొదలైనట్టే. వీరి ప్రేమకథపై పూర్తి క్లారిటీ రావాలంటే మాత్రం షణ్ముఖ్ నోరు విప్పాల్సిందే.
ఇవీ చదవండి: Prashanth Varma: ప్రశాంత్ వర్మ-ప్రభాస్ ప్రాజెక్టు ఆగిందా? అసలు ఏం జరుగుతోందంటే..
Mana Shankaravaraprasad Garu : వెంకటేశ్ పారితోషికంపై సుష్మిత కొణిదెల ఆసక్తికర వ్యాఖ్యలు