Railway Recruitment: దేశవ్యాప్తంగా ఉన్న రైల్వే రీజియన్లలో జూనియర్ ఇంజనీర్ (JE), డిపో మెటీరియల్ సూపర్ ఇంటెండెంట్ (DMS), కెమికల్ & మెటలర్జికల్ అసిస్టెంట్ (CMA) పోస్టుల భర్తీకి సంబంధించి ఇటీవల విడుదలైన నోటిఫికేషన్పై దరఖాస్తు ప్రక్రియ ఇప్పటికే పూర్తైంది. ఈ పోస్టులకు సంబంధించి నిర్వహించనున్న కంప్యూటర్ ఆధారిత పరీక్ష (CBT-1) షెడ్యూల్లో తాజాగా మార్పులు చోటుచేసుకున్నాయి.
ముందుగా ప్రకటించిన ప్రకారం ఫిబ్రవరి 19, 20, 25 తేదీల్లో పరీక్షలు జరగాల్సి ఉండగా, తాజాగా Railway Recruitment Board ఈ తేదీలను ఖరారు చేస్తూ కొత్త షెడ్యూల్ను ఫిబ్రవరి 10న విడుదల చేసింది. తాజా ప్రకటన ప్రకారం కూడా CBT-1 పరీక్షలు ఫిబ్రవరి 19, 20, 25 తేదీల్లోనే నిర్వహించనున్నట్లు ఆర్ఆర్బీ స్పష్టం చేసింది.
మొత్తం 2,570 ఖాళీల భర్తీకి ఈ నోటిఫికేషన్ విడుదలైంది. అభ్యర్థులకు పరీక్ష తేదీకి 10 రోజుల ముందుగా సిటీ ఇంటిమేషన్ స్లిప్లు అందుబాటులోకి వస్తాయి. అలాగే పరీక్షకు నాలుగు రోజుల ముందు అడ్మిట్ కార్డులు విడుదల చేయనున్నట్లు అధికారులు వెల్లడించారు.
తెలంగాణ హైకోర్టు ఉద్యోగాలకు దరఖాస్తు గడువు రేపటితో ముగింపు
తెలంగాణ రాష్ట్రవ్యాప్తంగా జిల్లా కోర్టుల్లో ఖాళీగా ఉన్న 859 పోస్టుల భర్తీకి Telangana High Court నోటిఫికేషన్ విడుదల చేసిన విషయం తెలిసిందే. ఈ పోస్టులకు సంబంధించిన ఆన్లైన్ రిజిస్ట్రేషన్ గడువు రేపటితో (ఫిబ్రవరి 13, 2026) ముగియనుంది.
అర్హత, ఆసక్తి కలిగిన అభ్యర్థులు చివరి తేదీలోపు ఆన్లైన్లో దరఖాస్తు చేసుకోవాలి. దరఖాస్తు ఫీజు వివరాలు ఇలా ఉన్నాయి:
జనరల్, బీసీ అభ్యర్థులకు: రూ.600
ఎస్సీ, ఎస్టీ, ఈడబ్ల్యూఎస్, పీడబ్ల్యూడీ, ఈఎస్ఎం అభ్యర్థులకు: రూ.400
ప్రభుత్వ ఉద్యోగాల కోసం ఎదురుచూస్తున్న అభ్యర్థులు ఈ అవకాశాన్ని సద్వినియోగం చేసుకోవాలని సూచిస్తున్నారు.
ఇవీ చదవండి: Jobs in NIC : నేషనల్ ఇన్ఫర్మేటిక్స్ సెంటర్లో 376 ఉద్యోగాలు.. సైంటిఫిక్ & టెక్నికల్ అసిస్టెంట్-A పోస్టుల భర్తీకి నోటిఫికేషన్ – GATE అర్హత తప్పనిసరి
Jobs in SBI : SBI ఉద్యోగాలు 2026 – Circle Based Officer పోస్టులకు భారీ నోటిఫికేషన్.. 2273 CBO పోస్టుల భర్తీకి State Bank of India అధికారిక ప్రకటన