Office bag : మనమందరం రోజూ ఇంటి నుంచి ఆఫీస్కు వెళ్లేటప్పుడు బ్యాగ్ను కేవలం అవసరమైన వస్తువులు పెట్టుకునే సాధనంగా మాత్రమే చూస్తుంటాం. కానీ వాస్తు శాస్త్రం ప్రకారం ఆఫీస్ బ్యాగ్ అనేది మన వృత్తిపరమైన శక్తికి ప్రతిరూపం. అందులో మనం ఉంచే ప్రతి వస్తువు మన ఆలోచనలపై, పనితీరుపై, చివరికి కెరీర్ పురోగతిపై కూడా ప్రభావం చూపుతుందని వాస్తు నిపుణులు చెబుతున్నారు.
తెలిసి తెలియక బ్యాగ్లో పెట్టే కొన్ని వస్తువులే పనిలో ఆటంకాలు, మానసిక ఒత్తిడి, ఏకాగ్రత లోపానికి కారణమవుతున్నాయని వారు హెచ్చరిస్తున్నారు.
పాత బిల్లులు – కనిపించని మానసిక భారం
చాలామంది షాపింగ్ బిల్లులు, కేఫ్ రిసీప్ట్లు, పాత కాగితాలను అలాగే బ్యాగ్లో వేసుకుంటూ తిరుగుతుంటారు. వాస్తు ప్రకారం ఇవి ప్రతికూల శక్తిని నిల్వ చేసుకుంటాయి. ఫలితంగా మనసులో గందరగోళం పెరుగుతుంది, పనిపై ఏకాగ్రత తగ్గుతుంది. ఈ చిన్న అలవాటు క్రమంగా మానసిక ఒత్తిడికి దారి తీస్తుందని చెబుతారు.
పదునైన వస్తువులు జాగ్రత్త
కత్తెర్లు, బ్లేడ్లు, కట్టర్లు వంటి పదునైన వస్తువులను నేరుగా బ్యాగ్లో పెట్టుకోవడం వాస్తు రీత్యా మంచిది కాదని నిపుణులు సూచిస్తున్నారు. ఇవి వృత్తిపరమైన ఎదుగుదలకు అడ్డంకులు సృష్టిస్తాయని భావిస్తారు. అత్యవసరంగా తీసుకెళ్లాల్సి వస్తే వాటిని తప్పనిసరిగా కవర్ లేదా పౌచ్లో పెట్టాలి.
విరిగిన పెన్నులు – ఆగిపోయే పనులకు సంకేతం
పని చేయని పెన్నులు, విరిగిపోయిన ఛార్జర్లు, పనిచేయని హెడ్ఫోన్లు బ్యాగ్లో ఉండటం చాలా సాధారణం. కానీ వాస్తు ప్రకారం ఇవి “ఆగిపోయిన శక్తికి” ప్రతీక. ఈ రకమైన వస్తువులు బ్యాగ్లో ఉంటే మీ పనులు కూడా అలాగే ఆలస్యం కావడం, మధ్యలో నిలిచిపోవడం జరుగుతుందని నమ్మకం.
వ్యక్తిగత వస్తువులు పద్ధతిగా ఉండాలి
దువ్వెన, పెర్ఫ్యూమ్, క్రీములు వంటి వ్యక్తిగత పరిశుభ్రత వస్తువులను ఇష్టమొచ్చినట్టు బ్యాగ్లో పడేయకూడదు. ఇవన్నీ ఒక ప్రత్యేక పౌచ్లో ఉంచుకోవాలి. వీలైతే ఆఫీస్ డ్రాయర్లో ఉంచడం మరింత మంచిదిగా వాస్తు చెబుతోంది. ఇది మీ మనసులో క్రమబద్ధతను పెంచుతుంది.
వారానికి ఒకసారి బ్యాగ్ శుభ్రం చేయండి
క్రమం తప్పకుండా బ్యాగ్ను ఖాళీ చేయడం అత్యంత అవసరం. వారానికి ఒకసారి అనవసరమైన కాగితాలు, చెత్త, పాత వస్తువులను తొలగించాలి. మీ బ్యాగ్లోని క్రమశిక్షణ మీ ఆలోచనలపై కూడా ప్రభావం చూపుతుంది.
వాస్తు నిపుణుల మాటల్లో చెప్పాలంటే —
బ్యాగ్ ఎంత శుభ్రంగా, పద్ధతిగా ఉంటే మీ కెరీర్ కూడా అంత వేగంగా ముందుకు సాగుతుంది.
చిన్న మార్పులే పెద్ద ఫలితాలను ఇస్తాయి. కాబట్టి రేపటినుంచే మీ ఆఫీస్ బ్యాగ్ను ఒకసారి పరిశీలించండి… మీ కెరీర్కు అడ్డుగా ఉన్న వాటిని తొలగించండి.
ఇవీ చదవండి: Office Chair: ఆఫీసులో ఏ దిశలో కూర్చోవాలి? వాస్తు ప్రకారం కలిసొచ్చే అంశాలివే..
Apple Siri: చాట్బాట్గా మారబోతున్న సిరి.. ChatGPTకి పోటీగా భారీ మార్పులకు ఆపిల్ ప్లాన్!