Year Ender 2025: సినిమా ఇండస్ట్రీలో టాలెంట్తో పాటు అందానికి ఉన్న ప్రాముఖ్యత గురించి ప్రత్యేకంగా చెప్పాల్సిన అవసరం లేదు. నటన ఎంత ముఖ్యమో, గ్లామర్ కూడా అంతే కీలక పాత్ర పోషిస్తుంది. కొన్ని సందర్భాల్లో అందమే అవకాశాలకు మార్గం వేసే అంశంగా మారుతుంది. అలా 2025 సంవత్సరానికి గాను ప్రపంచవ్యాప్తంగా అత్యంత అందమైన హీరోయిన్ల జాబితా తాజాగా విడుదలైంది.
ప్రముఖ మూవీ డేటాబేస్ IMDb ఆధారంగా రూపొందించిన ఈ లిస్టులో ప్రపంచం నలుమూలల నుంచి టాప్-10 అందాల తారలు చోటు దక్కించుకున్నారు. అయితే ఈ జాబితాలో భారత్ నుంచి కేవలం ఒక్క హీరోయిన్కే అవకాశం లభించడం విశేషంగా మారింది.
టాప్లో మార్గోట్ రాబీ
ఈ అందాల జాబితాలో మొదటి స్థానంలో ఆస్ట్రేలియన్ బ్యూటీ మార్గోట్ రాబీ నిలిచింది. ఆమె గ్లామర్, స్టైల్కు ప్రపంచవ్యాప్తంగా భారీ క్రేజ్ ఉంది. రెండో స్థానాన్ని అమెరికాకు చెందిన షైలీన్ వుడ్లీ దక్కించుకోగా, మూడో స్థానంలో చైనా బ్యూటీ దిల్రుబా దిల్మురాత్, నాలుగో స్థానంలో దక్షిణ కొరియాకు చెందిన నాన్నీ మెక్డోనీ నిలిచారు.
టాప్–5లో ఇండియన్ బ్యూటీ
ఈ జాబితాలో ఐదో స్థానంలో నిలిచి భారత్కు గర్వకారణంగా నిలిచింది బాలీవుడ్ స్టార్ హీరోయిన్ కృతి సనన్. ప్రపంచవ్యాప్తంగా అందంతో పాటు నటనతో గుర్తింపు తెచ్చుకున్న ఏకైక భారతీయ హీరోయిన్గా ఆమె ఈ లిస్టులో చోటు దక్కించుకోవడం విశేషం.
ఆరవ స్థానంలో పాకిస్తాన్ బ్యూటీ హానియా అమీర్, ఆ తర్వాత వరుసగా స్పెయిన్కు చెందిన అనా డి అర్మాస్, బ్రిటిష్ స్టార్ ఎమ్మా వాట్సన్, అమెరికన్ నటి అంబర్ హెర్డ్, టర్కీ బ్యూటీ హ్యాండే ఎర్సెల్ టాప్-10లో నిలిచారు.
తెలుగు ప్రేక్షకులకు సుపరిచితమే
కృతి సనన్ తెలుగువారికి కూడా బాగా తెలిసిన ముఖమే. మహేష్ బాబు హీరోగా తెరకెక్కిన నేనొక్కడినే సినిమాతో ఆమె టాలీవుడ్లో అడుగుపెట్టింది. ఆ తర్వాత దోచెయ్ సినిమాలో నటించి మెప్పించింది. ఇటీవల ప్రభాస్ నటించిన ఆదిపురుష్లో సీత పాత్రలో కనిపించి దేశవ్యాప్తంగా ప్రశంసలు అందుకుంది.
ఈ టాప్-10 లిస్ట్లో ఇండియా నుంచి ఒక్కరే ఉన్నా, ఆమె సాధించిన స్థానం మాత్రం దేశానికి గర్వకారణంగా నిలిచింది.
ఇవీ చదవండి: Yashashree : ట్రెండింగ్లో తెలుగు గర్ల్.. ముద్దుగుమ్మ ఫొటోలు వైరల్.. సోషల్ మీడియాను షేక్ చేస్తున్న అమ్మడు!
Ruhani Sharma : 8 సినిమాల్లో 2 హిట్లు… కానీ అందంలో అజంతా శిల్పం! టాలీవుడ్లో ముద్దుగుమ్మ పయనం