Tamannaah Bhatia: సౌత్ ఇండియన్ సినీ ప్రేక్షకులకు మిల్కీ బ్యూటీ తమన్నా భాటియా గురించి ప్రత్యేక పరిచయం అవసరం లేదు. తెరపై ఆమె ఎంత ఆకర్షణీయంగా కనిపిస్తుందో, నిజ జీవితంలో కూడా అంతే సహజమైన మెరుపుతో ఆమె చర్మం కాంతివంతంగా ఉంటుంది. కెమికల్స్, ఖరీదైన కాస్మెటిక్స్కి దూరంగా ఉండే తమన్నా… తన గ్లోయింగ్ స్కిన్ వెనుక ఉన్న అసలు రహస్యాన్ని అభిమానులతో షేర్ చేసింది.
చిన్నప్పటి నుంచే తన తల్లి నేర్పిన ఇంటి చిట్కాలనే ఇప్పటికీ ఫాలో అవుతున్నాను అని తమన్నా చెబుతోంది. వారానికి కొన్ని సార్లు ఈ నేచురల్ ఫేస్ మాస్క్లను ఉపయోగిస్తే… నల్ల మచ్చలు తగ్గి, ముడతలు దూరమై, సహజమైన కాంతివంతమైన చర్మం సొంతమవుతుందని ఆమె సూచిస్తోంది.
మెరిసే చర్మం కోసం తమన్నా ఫేస్ మాస్క్
ఈ ఫేస్ మాస్క్ చర్మానికి తక్షణ గ్లో ఇవ్వడంలో చాలా ప్రభావవంతంగా పనిచేస్తుంది.
కావాల్సిన పదార్థాలు:
గంధపు పొడి – 1 టీస్పూన్
తేనె – 1 టీస్పూన్
కాఫీ పొడి – 1 టీస్పూన్
రోజ్ వాటర్ – అవసరానికి తగినంత
విధానం:
ఈ పదార్థాలన్నింటినీ ఒక గిన్నెలో వేసి పేస్ట్లా కలపాలి. ముఖానికి, మెడకు అప్లై చేసి 10 నుంచి 15 నిమిషాలు ఆరే వరకు ఉంచాలి. తర్వాత శుభ్రమైన నీటితో కడుక్కోవాలి.
ప్రయోజనాలు:
గంధపు పొడి చర్మానికి చల్లదనాన్ని ఇస్తే, కాఫీ పొడి డెడ్ స్కిన్ను తొలగిస్తుంది. తేనె చర్మాన్ని మృదువుగా మార్చి నేచురల్ గ్లో ఇస్తుంది. టానింగ్, నల్ల మచ్చలు తగ్గడంలో ఈ మాస్క్ అద్భుతంగా పనిచేస్తుంది.
ముడతల నివారణకు ప్రత్యేక ఫేస్ ప్యాక్
వయస్సు పెరిగినా చర్మం యవ్వనంగా కనిపించాలంటే ఈ ప్యాక్ బెస్ట్ ఆప్షన్ అని తమన్నా చెబుతోంది.
కావాల్సిన పదార్థాలు:
శనగ పిండి – 1 టీస్పూన్
పెరుగు – 1 టీస్పూన్
రోజ్ వాటర్ – 1 టీస్పూన్
విధానం:
అన్నింటినీ కలిపి మెత్తని పేస్ట్ తయారు చేసి ముఖానికి, మెడకు అప్లై చేయాలి. 15 నిమిషాల తర్వాత గోరువెచ్చని నీటితో శుభ్రం చేసుకోవాలి.
ప్రయోజనాలు:
శనగ పిండి మృత కణాలను తొలగిస్తుంది. పెరుగు చర్మాన్ని హైడ్రేటెడ్గా ఉంచుతుంది. రోజ్ వాటర్ జిడ్డును నియంత్రించి ముడతలు రాకుండా సహాయపడుతుంది.
నేచురల్ బ్యూటీకి సింపుల్ ఫార్ములా
కెమికల్స్ లేకుండా, ఇంట్లో దొరికే పదార్థాలతోనే అందాన్ని కాపాడుకోవచ్చని తమన్నా నిరూపిస్తోంది. ఈ సింపుల్ బ్యూటీ టిప్స్ను క్రమంగా పాటిస్తే, మీరు కూడా సహజసిద్ధమైన మెరుపుతో ఆకట్టుకునే చర్మాన్ని సొంతం చేసుకోవచ్చు.
ఇవీ చదవండి: Baahubali Reunion : బాహుబలి రీయూనియన్లో మిస్ అయిన అనుష్క, తమన్నా!
Tamannaah: శృంగార సన్నివేశాల్లో తమన్నా హాట్ హావభావాలు.. వీడియో క్లిప్స్ వైరల్!
Lust Stories 2: మరోసారి తమన్నా బోల్డ్ యాక్టింగ్.. లస్ట్ స్టోరీస్ 2 ట్రైలర్లో విజయ్ వర్మతో రొమాన్స్!