Pant Viral video : కపిల్ శర్మ హోస్ట్ చేస్తున్న ది గ్రేట్ ఇండియన్ కపిల్ షో ఇప్పుడు క్రికెట్ ప్రేమికుల దృష్టిని ఆకర్షిస్తోంది. ముఖ్యంగా భారత క్రికెట్ టీమ్కు చెందిన స్టార్ ప్లేయర్లు గౌతమ్ గంభీర్, రిషబ్ పంత్, యజువేంద్ర చాహల్, అభిషేక్ శర్మ పాల్గొన్న తాజా ఎపిసోడ్ ప్రోమో ఇప్పుడు సోషల్ మీడియాలో వైరల్ అవుతోంది. (Pant Viral video)
ఈ ప్రోమోలో కపిల్ శర్మ వేసిన సరదా ప్రశ్నలకు రిషబ్ పంత్ ఇచ్చిన జవాబులు షోకు స్పెషల్ ఆకర్షణగా నిలిచాయి. “టీమిండియాలో నీ బావ ఎవరు?” అని కపిల్ అడగగా, పంత్ ఓ సెకండూ ఆలోచించకుండా “మహ్మద్ షమీ” అని పేల్చేశాడు. దీన్ని గౌతమ్ గంభీర్ కూడా స్పూర్తిగా తీసుకుంటూ “గత రెండు నెలలుగా అతను ఇంటికే రాలేదు!” అంటూ జోక్ వేశారు. ఈ హ్యూమర్, షమీతో ఉన్న సన్నిహితతను ప్రతిబింబిస్తోంది.
షమీ రీ ఎంట్రీపై గంభీర్ ఆశాభావం
గౌతమ్ గంభీర్ టీమిండియా హెడ్ కోచ్ అయిన తర్వాత షమీ గాయాలనుండి కోలుకుని మళ్లీ బౌలింగ్ ధాటిని చూపించాలని కోరుకుంటున్నట్లు పలు సందర్భాల్లో చెప్పిన సంగతి తెలిసిందే. ఇటీవల ఇంగ్లండ్ టెస్ట్ సిరీస్కి అందుబాటులో లేని షమీ, త్వరలోనే ఫిట్नेस సాధించి జట్టులోకి రానున్నాడని గంభీర్ విశ్వాసం వ్యక్తం చేశాడు. భారత్ బౌలింగ్ డిపార్ట్మెంట్ లో షమీ లేకపోవడం పెద్ద లోటు అని అభిప్రాయపడుతున్నారు అభిమానులు.
రిషబ్ పంత్ షాట్ సెలెక్షన్పై వివాదం
ఇటీవల ఇంగ్లండ్తో జరిగిన తొలి టెస్టులో రిషబ్ పంత్ రెండు ఇన్నింగ్స్ల్లో సెంచరీలతో చెలరేగిపోయాడు. అయితే రెండో టెస్టులో మాత్రం అతను చేసిన దూకుడు షాట్ అతని వికెట్ను పాడు చేసింది. దీనిపై దినేష్ కార్తీక్ – గంభీర్ల మధ్య పరోక్ష విమర్శల ఓ రౌండ్ నడిచింది. “పంత్ను ఎలా హ్యాండిల్ చేయాలో గంభీర్ ఇంకా తెలుసుకోవాలి” అని కార్తీక్ అభిప్రాయపడ్డాడు.
తప్పులు చేయించినవారెవరు? జూలై 5న రివీల్
ఈ ఎపిసోడ్లో పంత్ మరొక ఆసక్తికర కామెంట్ చేశాడు: “కొంతమంది టీమిండియా ప్లేయర్లు నాతో తప్పుడు పనులు చేయించారు” అన్నాడు. అయితే ఇంతకీ ఎవరు? ఏమి చేయించారు? అనేది తెలుసుకోవాలంటే జూలై 5న నెట్ఫ్లిక్స్లో ప్రసారమయ్యే పూర్తి ఎపిసోడ్ చూడాల్సిందే.
అంతేకాకుండా, “టీమిండియా క్వీన్ ఎవరు?” అన్న ప్రశ్నకు అభిషేక్ శర్మ ఇచ్చిన సమాధానం కూడా వినడానికి సరదాగా ఉండనుంది. మొత్తంగా ఈ ఎపిసోడ్ కాస్త కామెడీ, కాస్త క్రికెట్ తో ఆకట్టుకునేలా ఉంది.
ఇవీ చదవండి: Rishabh pant: ఐపీఎల్ రికార్డుడు బద్దలు కొట్టిన రిషబ్ పంత్.. రూ.27 కోట్లు!
Rishabh pant: ఐపీఎల్ రికార్డుడు బద్దలు కొట్టిన రిషబ్ పంత్.. రూ.27 కోట్లు!
Mohammed Shami: షమీకి కోర్టు షాక్.. భార్య, కూతురుకు భరణం ఎంత చెల్లించాలంటే..