BCCI Action: ఛాంపియన్స్ ట్రోఫీపై నెలకొన్న ప్రతిష్టంభనను తొలగించేందుకు భారత క్రికెట్ నియంత్రణ మండలి (బీసీసీఐ) (BCCI Action) సెక్రటరీ జయ్ షా అంతర్జాతీయ క్రికెట్ మండలి (ఐసీసీ) అధికారులతో సమావేశం కానున్నట్లు తెలుస్తోంది. పాకిస్తాన్ క్రికెట్ బోర్డు (పీసీబీ) చీఫ్ మొహ్సిన్ నఖ్వీతో మాట్లాడే అవకాశం ఉందని బీసీసీఐ వర్గాలు తెలిపాయి.
టోర్నీ కోసం తాము పాకిస్తాన్కు వెళ్లబోమని భారత్ ఇప్పటికే స్పష్టం చేసింది. అయితే, పీసీబీ వారు ‘హైబ్రిడ్’ విధానానికే కట్టుబడి ఉన్నాయని మొండిగా చెప్పారు. ఓ రిపోర్టు ప్రకారం, జయ్ షా దుబాయ్లో ఐసీసీ అధికారులను కలవనున్నారట. అనంతరం నఖ్వీతో ఫోన్ కాల్ లో మాట్లాడతారని సమాచారం. సంక్షోభానికి సాధ్యమైనంత త్వరగా ముగింపు పలికేందుకు ప్రయత్నిస్తారని తెలుస్తోంది.
వచ్చే ఏడాది ప్రారంభంలో టోర్నమెంట్ నిర్వహణపై అనిశ్చితి ఉన్నప్పటికీ, ఛాంపియన్స్ ట్రోఫీకి చీఫ్ ఆపరేటింగ్ ఆఫీసర్గా సుమైర్ అహ్మద్ సయ్యద్ను పాకిస్తాన్ క్రికెట్ బోర్డు తాజాగా నియమించింది. పీసీబీ విడుదల చేసిన ఒక ప్రకటనలో, ఛైర్మన్ మొహ్సిన్ నఖ్వీ టోర్నమెంట్ను పూర్తిగా పాకిస్తాన్లో నిర్వహించాలని భావిస్తున్నట్లు బోర్డు వైఖరిని పునరుద్ఘాటించారు.
50 ఓవర్ల పోటీ కోసం భారత జట్టును పాకిస్తాన్కు పంపడానికి ఇష్టపడటం లేదని భారత క్రికెట్ కంట్రోల్ బోర్డు అంతకుముందు అంతర్జాతీయ క్రికెట్ కౌన్సిల్కు స్పష్టం చేసింది. దీనిని గ్లోబల్ గవర్నింగ్ బాడీ పీసీబీకి తెలియజేసింది.
నఖ్వీ, అదే సమయంలో, సయ్యద్ సామర్థ్యాలపై విశ్వాసం వ్యక్తం చేశాడు. క్రికెట్ పట్ల అతనికి ఉన్న అచంచలమైన అభిరుచితో పాటు, అతను ఆటగాళ్లు, అధికారులు, అభిమానుల కోసం మరపురాని ఐసీసీ ఛాంపియన్స్ ట్రోఫీ 2025ని అందిస్తాడని విశ్వసిస్తున్నట్లు పేర్కొన్నాడు.
“ఐసీసీ ఛాంపియన్స్ ట్రోఫీ 2025 ప్రపంచ స్థాయి క్రికెట్ ఈవెంట్లకు ఆతిథ్యం ఇవ్వగల సామర్థ్యం పాకిస్తాన్ కు ఉందని, ప్రపంచవ్యాప్తంగా ఉన్న ఆటగాళ్లను, అభిమానులను స్వాగతించి, ఆటపై దేశానికి ఉన్న అభిరుచి, ప్రఖ్యాత ఆతిథ్యాన్ని ఇవ్వగలమని సయ్యద్ చెప్పారు.” స్టేడియం నవీకరణలు ముగింపు దశకు చేరుకున్నాయి. అంతర్జాతీయ క్రికెట్ కౌన్సిల్తో కీలకమైన చర్చలు కొనసాగుతున్నాయి. అన్నారు.
ఇవీ చదవండి: Champions Trophy: ఛాంపియన్స్ ట్రోఫీ 2025 కోసం భారత్.. పాకిస్థాన్కు వెళ్లదు
India vs Pakistan: ఛాంపియన్స్ ట్రోఫీ.. వేర్వేరు గ్రూపుల్లో ఇండియా, పాక్!
New Zealand MP: న్యూజిలాండ్ యువ ఎంపీ, 22 ఏళ్ల అమ్మడు.. మళ్లీ వైరలైపోయింది