MI vs DC WPL 2026: మహిళా ప్రీమియర్ లీగ్‌ 2026 సీజన్‌లో Mumbai Indians Women తమ పాత ఫామ్‌ను గుర్తుచేస్తూ అదిరిపోయే విజయం సాధించింది. నవీ ముంబైలోని DY Patil Stadiumలో జరిగిన హై-వోల్టేజ్ మ్యాచ్‌లో Delhi Capitals Womenపై ముంబై ఘన విజయం నమోదు చేసింది. బ్యాటింగ్‌లో భారీ స్కోరు, బౌలింగ్‌లో కట్టుదిట్టమైన ప్రదర్శనతో ఢిల్లీని 145 పరుగులకే కట్టడి చేసి సీజన్‌లో తొలి విజయాన్ని ఖాతాలో వేసుకుంది.
ముంబై బ్యాటింగ్: కౌర్–సీవర్ బ్రంట్ విధ్వంసం
టాస్ ఓడి బ్యాటింగ్‌కు దిగిన ముంబైకి ఆరంభంలో చిన్న షాక్ తగిలింది. అమెలియా కెర్ డకౌట్ కావడం, కమలిని (16) త్వరగా వెనుదిరగడంతో స్కోరు నెమ్మదించింది. అయితే కెప్టెన్ Harmanpreet Kaur మరియు Nat Sciver-Brunt జట్టును గట్టెక్కించారు.
సీవర్ బ్రంట్ 46 బంతుల్లో 70 పరుగులు చేయగా, హర్మన్‌ప్రీత్ కౌర్ 34 బంతుల్లో అజేయంగా 74 పరుగులు చేసి ఢిల్లీ బౌలర్లపై ధాటిగా దాడి చేశారు. ఈ జోడి మెరుపులతో ముంబై 20 ఓవర్లలో 4 వికెట్లకు 195 పరుగుల భారీ స్కోరు సాధించింది. ఢిల్లీ తరఫున నందిని శర్మ రెండు వికెట్లు తీసింది.
ఢిల్లీ చేజ్: టాప్ ఆర్డర్ పూర్తిగా విఫలం
196 పరుగుల లక్ష్యంతో బరిలోకి దిగిన ఢిల్లీకి తొలి నుంచే ఎదురుదెబ్బలు తగిలాయి. ఓపెనర్లు Shefali Verma (8), లిజెల్ లీ (10) నిరాశపరిచారు. కెప్టెన్ Jemimah Rodrigues (1) కూడా తక్కువ స్కోరుకే పెవిలియన్ చేరడంతో ఒత్తిడి మరింత పెరిగింది. లారా వోల్వార్డ్ (9), మారిజన్ కాప్ (10) కూడా విఫలమవ్వడంతో ఒక దశలో ఢిల్లీ 74 పరుగులకే 5 వికెట్లు కోల్పోయి సంక్షోభంలో పడింది.
చినెలే హెన్రీ ఒంటరి పోరాటం
వరుస వికెట్ల మధ్య చినెలే హెన్రీ అద్భుతంగా పోరాడింది. 33 బంతుల్లో 56 పరుగులు (5 ఫోర్లు, 3 సిక్సర్లు) చేసి ఆశలు నిలిపే ప్రయత్నం చేసింది. కానీ మిగతా బ్యాటర్ల నుంచి సహకారం లేకపోవడంతో ఢిల్లీ 145 పరుగులకే ఆలౌట్ అయింది.
ముంబై బౌలింగ్: పూర్తి ఆధిపత్యం
ముంబై బౌలర్లలో షబ్నిమ్ ఇస్మాయిల్, అమెలియా కెర్, సీవర్ బ్రంట్ కట్టుదిట్టంగా బౌలింగ్ చేసి ఢిల్లీ పతనాన్ని వేగవంతం చేశారు. బ్యాటింగ్–బౌలింగ్ రెండింట్లోనూ ఆధిపత్యం చాటిన ముంబై, Women’s Premier League 2026 సీజన్‌లో శక్తివంతమైన ప్రకటన చేసింది.
ఇవీ చదవండి: Ranga Reddy: ముంబై, బెంగళూరు కాదు… జీడీపీలో దేశంలోనే టాప్ రిచ్ జిల్లా మనదే!
Family : కార్పొరేట్ ఒత్తిడిలో చిలిపిన బంధం… తెలివిగా తిరిగి కాపాడుకున్న ముంబై రియల్ కపుల్ కథ!
