Gas tips: ఇరాన్–ఇజ్రాయెల్ ఉద్రిక్తతల కారణంగా అంతర్జాతీయ మార్కెట్‌లో ఇంధన ధరలు పెరుగుతున్న నేపథ్యంలో మన దేశంలో కూడా ఎల్‌పీజీ ధరలపై ప్రభావం పడుతోంది. ఈ పరిస్థితిలో ఒక గ్యాస్ సిలిండర్‌ను ఎక్కువ రోజులు ఉపయోగించుకోవడం చాలా కుటుంబాలకు అవసరంగా మారింది. అయితే వంట చేసే విధానంలో కొన్ని చిన్న మార్పులు చేస్తే గ్యాస్ వినియోగాన్ని గణనీయంగా తగ్గించుకోవచ్చని నిపుణులు చెబుతున్నారు.
వంటింట్లో గ్యాస్ ఎక్కువకాలం మన్నిక రావాలంటే ఈ టాప్ 5 టిప్స్ తప్పక పాటించండి.
1. పాత్రలకు మూత పెట్టి వంట చేయండి
వంట చేసేటప్పుడు పాత్రలకు మూత పెట్టడం చాలా ముఖ్యమైన అలవాటు. మూత పెట్టడం వల్ల వేడి బయటకు వెళ్లకుండా పాత్రలోనే నిలుస్తుంది. దీంతో ఆహారం త్వరగా ఉడుకుతుంది. ఫలితంగా గ్యాస్ వినియోగం తగ్గి సిలిండర్ ఎక్కువ రోజులు ఉపయోగించుకోవచ్చు.
2. వంటకు ముందు పదార్థాలు సిద్ధం చేసుకోండి
వంట ప్రారంభించే ముందు కావాల్సిన అన్ని పదార్థాలను ముందుగానే సిద్ధం చేసుకోవడం మంచిది. మధ్యలో పదార్థాలు తెచ్చుకోవడానికి సమయం తీసుకుంటే గ్యాస్ అనవసరంగా ఎక్కువసేపు వెలిగిపోతుంది. ముందుగానే ప్రిపేర్ చేసుకుంటే గ్యాస్ సేవ్ అవుతుంది.
3. అవసరమైనంత మంటతోనే వంట చేయండి
చాలామంది ఎక్కువ మంటపై వంట చేస్తే త్వరగా ఉడుకుతుందని అనుకుంటారు. కానీ పెద్ద మంట గ్యాస్‌ను వేగంగా ఖర్చు చేస్తుంది. పాత్ర పరిమాణానికి సరిపడే మంటతో వంట చేస్తే గ్యాస్ వినియోగం తగ్గుతుంది.
4. ప్రెషర్ కుక్కర్‌ను ఎక్కువగా ఉపయోగించండి
ప్రెషర్ కుక్కర్‌లో వండితే ఆహారం చాలా త్వరగా ఉడుకుతుంది. ముఖ్యంగా పప్పులు, బియ్యం, కూరగాయలు కుక్కర్‌లో వండితే సమయం కూడా ఆదా అవుతుంది, గ్యాస్ వినియోగం కూడా తగ్గుతుంది.
5. గ్యాస్ స్టౌవ్, బర్నర్లను శుభ్రంగా ఉంచండి
బర్నర్ రంధ్రాలు మురికి లేదా ఆయిల్‌తో మూసుకుపోతే మంట సరిగా రాదు. దీంతో గ్యాస్ ఎక్కువగా ఖర్చవుతుంది. అందుకే స్టౌవ్, బర్నర్లను తరచుగా శుభ్రం చేయడం చాలా అవసరం.
ఈ చిన్న చిన్న జాగ్రత్తలు పాటిస్తే ఒక గ్యాస్ సిలిండర్‌ను మరికొన్ని రోజులు ఎక్కువగా ఉపయోగించుకోవచ్చు. దీని వల్ల కుటుంబ ఖర్చులు కూడా కొంతవరకు తగ్గే అవకాశం ఉంటుంది.
ఇవీ చదవండి: India Gas Crisis: దేశంలో గ్యాస్ సంక్షోభం తీవ్రం.. హోటల్ రంగం కుదేలు.. లాక్ డౌన్ లాంటి ప‌రిస్థితి త‌ప్ప‌దా?
Megastar Chiranjeevi: విశ్వంభర స్పెషల్ సాంగ్‌లో ఆ బ్యూటీకి ఛాన్స్!
Megastar Chiranjeevi: విశ్వంభర స్పెషల్ సాంగ్‌లో ఆ బ్యూటీకి ఛాన్స్!
