Mega 158: మెగాస్టార్ చిరంజీవి, దర్శకుడు బాబీ కొల్లి కాంబినేషన్‌లో తెరకెక్కుతున్న భారీ చిత్రం ‘మెగా 158’. ‘వాల్తేరు వీరయ్య’ వంటి విజయవంతమైన మాస్ ఎంటర్‌టైనర్ తర్వాత వీరిద్దరూ మరోసారి చేతులు కలపడంతో సినిమాపై భారీ అంచనాలు నెలకొన్నాయి. యాక్షన్‌తోపాటు కుటుంబ అనుబంధాలు, బలమైన భావోద్వేగాలతో ఈ కథను రూపొందిస్తున్నట్లు సమాచారం. కేవీఎన్ ప్రొడక్షన్స్ పతాకంపై వెంకట్ కె. నారాయణ భారీ స్థాయిలో ఈ సినిమాను నిర్మిస్తున్నారు. ‘కాకాజీ’ అనే టైటిల్‌ను చిత్రబృందం పరిశీలిస్తున్నట్లు కొంతకాలంగా ప్రచారం జరుగుతోంది. అయితే టైటిల్‌పై మేకర్స్ నుంచి అధికారిక ప్రకటన రావాల్సి ఉంది.
మెగా 158లో శరత్‌కుమార్?
ఈ చిత్రంలో సీనియర్ నటుడు శరత్‌కుమార్ కీలక పాత్ర పోషించనున్నారనే వార్త ఇప్పుడు సోషల్ మీడియాలో వైరల్‌గా మారింది. కథను మలుపు తిప్పే శక్తిమంతమైన పాత్ర కోసం ఆయనను ఎంపిక చేసినట్లు టాక్. శరత్‌కుమార్ పాత్ర సానుకూలంగా ఉంటుందా? లేక చిరంజీవిని ఎదుర్కొనే శక్తిగా కనిపిస్తారా? అనే విషయంలో స్పష్టత లేదు. ఇదే సమయంలో సినిమాలో మరో ప్రత్యేకమైన నెగెటివ్ పాత్ర ఉంటుందని ప్రచారం జరుగుతోంది. ఆ పాత్రను ప్రముఖ నటుడితో చేయించేందుకు దర్శకుడు బాబీ ప్రయత్నిస్తున్నట్లు సమాచారం. విలన్ పాత్రను వెల్లడించకుండా సర్‌ప్రైజ్‌గా ఉంచాలని చిత్రబృందం భావిస్తోందట. అయితే శరత్‌కుమార్ ఎంట్రీతోపాటు విలన్‌కు సంబంధించిన ప్రచారంపై అధికారిక ధ్రువీకరణ లేదు.
ఫ్లాష్‌బ్యాక్‌లో చిరంజీవి కొత్త లుక్
‘మెగా 158’ ద్వితీయార్థంలో వచ్చే ఫ్లాష్‌బ్యాక్ ఎపిసోడ్ సినిమాకు ప్రధాన ఆకర్షణగా నిలవనుందట. ఈ ఎపిసోడ్‌లో చిరంజీవి ఇప్పటివరకు చూడని సరికొత్త లుక్‌లో కనిపిస్తారని తెలుస్తోంది. భారీ యాక్షన్ సన్నివేశాలతోపాటు ఎమోషనల్ కంటెంట్‌కు బాబీ ప్రాధాన్యం ఇస్తున్నారట. ఈ చిత్రంలో అనశ్వర రాజన్ కీలక పాత్రలో నటిస్తున్నారు. ఆమె చిరంజీవి కుమార్తెగా కనిపించనున్నట్లు ప్రచారం ఉన్నప్పటికీ అధికారికంగా ప్రకటించలేదు. నివేతా పేతురాజ్ కూడా షూటింగ్‌లో పాల్గొన్నట్లు సెట్స్‌కు సంబంధించిన అప్‌డేట్స్ వెల్లడించాయి. Cinema Express
ఎస్ఎస్ తమన్ సంగీతం అందిస్తున్న ఈ సినిమా కోసం భారీ సెట్లు, యాక్షన్ సీక్వెన్స్‌లను సిద్ధం చేస్తున్నారు. త్వరలోనే టైటిల్‌తోపాటు ప్రధాన తారాగణాన్ని అధికారికంగా వెల్లడించే అవకాశం ఉంది.
Read also: Chiranjeevi: చిరంజీవి ఆరోగ్యంపై ఫేక్ ప్రచారం.. యూట్యూబ్ ఛానల్‌పై పోలీస్ కేసు
Chiranjeevi: మెగాస్టార్ చిరంజీవి 158వ సినిమాకు గ్రాండ్ పూజా కార్యక్రమం.. పవన్ కళ్యాణ్, రామ్ చరణ్ స్పెషల్ అట్రాక్షన్
Chiranjeevi: మెగా 158పై మేజర్ అప్‌డేట్.. చిరంజీవి కొత్త అవతారం
