OTT Movie: టాలీవుడ్లో అడపాదడపా కామెడీ సినిమాలు వస్తూనే ఉంటాయి. అలాంటి చిత్రాల్లో ఇటీవల సుహాస్ హీరోగా వచ్చిన ‘హే బల్వంత్’ ఒకటి. కాస్త అడల్ట్ టచ్ ఉన్న కాన్సెప్ట్తో తెరకెక్కిన ఈ సినిమా గత నెలలో థియేటర్లలో విడుదలైంది. కొందరికి ఈ మూవీ ఎంటర్టైనింగ్గా అనిపించగా, మరికొందరికి మాత్రం కాస్త ఎబ్బెట్టుగా అనిపించింది. మొత్తానికి ఈ సినిమా థియేటర్లలో యావరేజ్ టాక్ అందుకుంది.
ఓటీటీలోకి ‘హే బల్వంత్’
ఇప్పుడు ఈ కామెడీ ఎంటర్టైనర్ ఓటీటీలోకి రావడానికి సిద్ధమైంది. సుహాస్, శివాని నాగారం హీరోహీరోయిన్లుగా నటించిన ఈ చిత్రం ఈ నెల 31 నుంచి ప్రముఖ ఓటీటీ ప్లాట్ఫామ్ జీ5 (ZEE5) లో స్ట్రీమింగ్ కానుంది. తెలుగు తో పాటు తమిళ, కన్నడ, మలయాళ భాషల్లో కూడా ఈ సినిమా అందుబాటులోకి రానుంది.
టైటిల్ మార్పు వెనుక కారణం
ఈ సినిమాకు మొదటగా ‘హే భగవాన్’ అనే టైటిల్ పెట్టారు. అయితే కంటెంట్ను పరిశీలించిన సెన్సార్ బోర్డు టైటిల్ మార్చాలని సూచించడంతో చివరకు ‘హే బల్వంత్’ పేరుతో థియేటర్లలో విడుదల చేశారు. ఈ చిత్రంలో సీనియర్ నటుడు నరేశ్, కమెడియన్ సుదర్శన్ కీలక పాత్రల్లో కనిపించారు.
కథ ఏమిటంటే…
ఈ సినిమా కథ కృష్ణ (సుహాస్) అనే యువకుడి చుట్టూ తిరుగుతుంది. చిన్నప్పటి నుంచి తన తండ్రిలా పెద్ద బిజినెస్మ్యాన్ అవ్వాలని కృష్ణకు కోరిక ఉంటుంది. అయితే తన తండ్రి అసలు ఏ బిజినెస్ చేస్తాడో మాత్రం తెలియదు. కృష్ణ నాన్నమ్మ మాత్రం అతడు చాలా మందికి జీవనం ఇస్తున్నాడని చెబుతుంది.
పెద్దయ్యాక తన తండ్రి చేస్తున్న అసలు బిజినెస్ ఏంటో తెలుసుకున్న కృష్ణ షాక్ అవుతాడు. ఆ విషయాన్ని అంగీకరించడానికి అతడికి చాలా ఇబ్బంది పడుతుంది. ఇదే సమయంలో తాను ప్రేమిస్తున్న మిత్ర (శివాని నాగారం)కి ఆ బిజినెస్ గురించి తెలియకుండా దాచిపెడతాడు. చివరకు ఆ బిజినెస్ ఏంటి? కృష్ణ తన పరిస్థితిని ఎలా ఎదుర్కొన్నాడు? కృష్ణ–మిత్ర ప్రేమ కథ ఎలా ముగిసింది? అనేదే సినిమా ప్రధాన కథ.
ఇవీ చదవండి: Made In Korea OTT Movie: ప్రపంచవ్యాప్తంగా ట్రెండింగ్లో ప్రియాంక మోహన్ సినిమా
OTT Movies: ఈ వారం ఓటీటీల్లో కొత్త సినిమాలు, సిరీస్లు.. ‘మర్దానీ 3’, ‘కాట్టాన్’పై ఆసక్తి
OTT Movies: వీకెండ్ OTT ఫుల్ జోష్.. ఒక్కరోజే 26 రిలీజ్లు! ఏ ప్లాట్ఫామ్లో ఏం చూడాలి?
OTT Movies: థియేటర్లలో యావరేజ్.. ఓటీటీలోనూ అంతగా కాదు! ‘ది డిప్లొమాట్’ సినిమా గురించి ఆసక్తికర విషయాలు