Marriage: దేశవ్యాప్తంగా వంట గ్యాస్ కొరత ప్రభావం రోజురోజుకూ తీవ్రంగా కనిపిస్తోంది. ముఖ్యంగా కమర్షియల్ గ్యాస్ సిలిండర్ల సరఫరా తగ్గిపోవడంతో హోటళ్లు, రెస్టారెంట్లు తీవ్ర ఇబ్బందులు ఎదుర్కొంటున్నాయి. కొంతమంది హోటల్ యజమానులు ఇప్పటికే తాత్కాలికంగా వ్యాపారాలను మూసివేయాల్సిన పరిస్థితి ఏర్పడింది. ఇప్పుడు ఈ సమస్య వివాహాలు, శుభకార్యాలపై కూడా ప్రభావం చూపుతోంది.
ప్రస్తుతం పెళ్లిళ్ల సీజన్ కొనసాగుతున్న నేపథ్యంలో వేలాది మంది అతిథులకు విందు భోజనాలు వడ్డించడం సంప్రదాయంగా కొనసాగుతోంది. నూతన దంపతులను ఆశీర్వదించిన తర్వాత భోజనం చేసి వెళ్లడం భారతీయ సంస్కృతిలో ఒక భాగం. అయితే గ్యాస్ కొరత కారణంగా పెళ్లిళ్లలో వంటలు ఎలా నిర్వహించాలన్న ఆందోళన నిర్వాహకుల్లో కనిపిస్తోంది.
పెరిగిన విందు భోజన ఖర్చులు
గతంలో పెళ్లిళ్లలో వెజిటేరియన్ విందు ఒక్కో ప్లేట్ ధర రూ.800 నుంచి రూ.1000 వరకు ఉండేది. కానీ ఇప్పుడు పరిస్థితి మారిపోయింది. గ్యాస్ కొరత, సరఫరా సమస్యల కారణంగా ఒక్కో ప్లేట్ ధర రూ.1500 వరకు పెరిగినట్లు సమాచారం. దీంతో పెళ్లిళ్ల ఖర్చులు మరింతగా పెరిగిపోయాయి.
కట్టెల పొయ్యిలపై వంటలు
గ్యాస్ అందుబాటులో లేకపోవడంతో కొందరు క్యాటరింగ్ సంస్థలు కట్టెలు, బొగ్గులతో వంటలు చేసే మార్గాన్ని అనుసరించేందుకు సిద్ధమవుతున్నాయి. అయితే ఈ విధానంలో వంట చేయడానికి ఎక్కువ సమయం పడుతోంది. గ్యాస్పై గంటలో అయ్యే పని కట్టెల పొయ్యిపై మూడు నుంచి నాలుగు గంటలు పడుతుందని చెబుతున్నారు.
వంట మనుషుల ఇబ్బందులు
కట్టెల పొయ్యిలపై వంట చేయడంలో పొగ సమస్య కూడా తీవ్రంగా ఉందని వంటమనుషులు చెబుతున్నారు. దీంతో ఈ విధంగా వంట చేయడానికి చాలామంది ఆసక్తి చూపించడం లేదు. గ్యాస్ లేకుండా వంటలు చేయడం కష్టమని వారు అంటున్నారు.
ఫంక్షన్ హాల్స్ షరతులు
ఇంకొకవైపు ఫంక్షన్ హాల్స్ నిర్వాహకులు కూడా వంటల విషయంలో తమకు బాధ్యత లేదని స్పష్టం చేస్తున్నారు. వారు కేవలం పాత్రలు, నీటి సరఫరా మాత్రమే అందిస్తామని చెబుతున్నారు. దీంతో పెళ్లి నిర్వాహకులు క్యాటరింగ్ ఏర్పాట్లలో మరింత ఇబ్బందులు పడుతున్నారు.
గ్యాస్ కొరత కొనసాగితే రాబోయే రోజుల్లో పెళ్లిళ్ల విందు భోజనాల ఖర్చులు మరింత పెరిగే అవకాశం ఉందని నిపుణులు చెబుతున్నారు. పరిస్థితి త్వరగా సర్దుబాటు కాకపోతే శుభకార్యాల నిర్వహణ కూడా పెద్ద సవాలుగా మారే అవకాశముంది.
ఇవీ చదవండి: Marriage muhurtham dates: పెళ్లి కళ వచ్చేసిందే బాలా.. March శుభ ముహూర్తాల వేళ మోగనున్న భాజా భజంత్రీలు
Marriage Age gap : వివాహంలో వయస్సు అంతరం: నిజంగా ఎంత ముఖ్యమో తెలుసా?
Marriage : యువకులారా.. పెళ్లి కావడం లేదా? ఏ గుడికి వెళ్లాలి? ఏ దేవుడిని మొక్కాలి? దైవ అనుగ్రహంతో వివాహ యోగం ఎలా కలుగుతుంది?